هل هيونداى الالنترا الجديدة(MD) تستحق النجاح...والسعر دة ؟؟!!!

[citroeen]

انا بمسى على احلى ناس واحلى اخوات فى الدنيا ...اول حاجة بجد الواحد عاقد يفكر ويحلم مع نفسة كدة فى العربييات مابيين المركات و بعضيها و المنافسة الشرسة الى مابينهم الايام دى بالذات وانواع جديدة دخلة السوق وفى المنافسة دى ومحدش عارف مين الى هيكسب فى الاخر وانى تكنولوجيا وصناعة هتكسب لان كلة حاليـــا بقى جامد فى السوق وفى المنافسة السوقية ...دلوقتى نيجى للشركة هيونداى الى فى نجاح مستمر مابيين الشعب المصرى والحب دة كلة للشركة دى والثقة الكاملة ليها هل دة جية من فراغ ولا من تعب فعلا من الشركة الام فى كوريا عشان بتنتج وبتفكر صح وبتشوف عقول الناس بتفكر فى اية ...بتفكر فى صيانة سهلة غير معقدة وقطع غيار موجودة ومتوفرة فى كل مكان ورخيصة ومتناول الايد مع الفرد المصرى وفى الدول النامية الى زينا وفى نفس الوقت عربيية شغالة وحمارة شغل ومتقولش لا لنفسك لان لغايت دلوقتى عايشة وبتمشى زى البونى والاكسل والاكسنت والالنترا القديمة ماشية فى الشوارع لغايت دلوقتى منكرش الكلام دة بردة......دلوقتى انا واحد من ناس نفسى اجيب عربيية جامدة ومعقولة وصيانة وقطع غيار واعادة بييع يكون سهل وكويس ...هل الكلام دة موجود فى العربييات الالمانى والفرنساوى واليابانى ....هل الفرنساوى بقى فرنساوى زى زمان الى كل عيوب ميكانيكا وصعب وغلية فى قطع الغيار ....المانى الغلو المتزايد وعملين عربييات للفئة معينة للناس ومن الصعب انك تشتريها وعمرهم مافكروا فى الانسان البسيط والى على قدة فى الفلوس ...اليابانى كل شركات الام فى اليابان باعتها كلها لى ماليزيا واندونسيا وجنوب افريقيا هل انا امان للشركات دى دلوقتى ازا كانت البلد الام بعتها وخلصت منهم والواحد كان بيشترى العربييات اليابانى للثقة فى الايد اليابانية مش اكتر وتفكريهم فى التكنولوجيا هتقولى هى هى الى ماليزيا واندونسيا هقولك اكيد لا دة مش هبقى زى دة عمرة وبردة غلو فى الاسعار وعقدة ميكانيكية مش اى حد يفهم فيها وغلو فى قطع الغيار .......نيجى للكوريين الى نجحيين للمدى البعيد فى سيارتهم دلوقتى فى تكنولوجيا جامدة صيانة سهلة وميكانيكا سهلة وقطع غيار متوفرة ......هل كل دة ميستحقيش فلوس ؟؟؟!!!! وفى الالنترا الجديدة ماتور جامد تكنولوجيا اعلى من عربييات كتير فى السوق فخامة ودهشة فى التصميم والديناميكا فى شكل العربيية من الخارج ومن الدخال طبعا مالهاش حل وممكن نقول انها غالية جيدا بس لو قارنت صح مش هتقول كدة مابيين العربييات التانية هتقولى هوندا هقولك قطع غيار غالية جيدا ومقرفة وتوكيل زفت تويوتا عيوب الدنيا فيها والكروز اكنى ماشى بعربييية دبابة السيراتو اكيد مش هتكلم على عربيية الموت ولغايت دلوقتى مالهاش سبب معين .....هيونداى تستهال كل مليم فيها هتقولى لية !!!!عشان بتفكر للقدام صيانة سهلة وقطع غيار متوفرة واعادة بييع ناجح.....تستاهل كل مليم وهيونداى دلوقتى من اكتر الشركات العربييات فى العالم وكوريا من اكبر بلاد الصناعية فى العالم كلة واكيد الناس عرفة الكلام دة عشان ميقولوش انها اقل من البلاد الى حواليها دى زيها زى اليابان دلوقتى فى دول اسيا ياريت نفكر للقدام مش فى السعر الحالى هتدع ممكن تكون هتتعب من السعر فى الاول فى هتستريح قدام جيدا فى كل حاجة ومش هتحمل هم اى شى فى العربيية وفى الظروف الاقتصادية وشكرا ليكم

[heshoo211]

انا اتفق مع حضرتك فى كل كلمة حضرتك قولتها....هيونداى او صناعة السيارات الكورية عامة اصبحت من افضل صانعى السيارات فى العالم وتستحق كل احترام وتقدير على الابداعات والافكار الجديدة والعصرية....اما بالنسبة لهيونداى النترا 2012 بالتحديد فهى سيارة متميزة جدا جدا وافضل بمراحل عن كل السيارات الموجودة فى نفس الفئة بتاعتها...كل الاحترام والتقدير لشركة هيونداى...مشكور على الموضوع الجميل ده

[msfayad]

كلام سليم ومتزن وفعلا هيونداى بقت شركه كبيره بجد

[Mr.NoLoVe]

كلام سليم جدا جدا جدا رغم انى امتلك رينو فرنسى لكن كلام حضرتك معقول للانسان اللى بيفكر اللى نعرفه احسن من اللى منعرفوش ممكن تقولى بقى حضرتك انهى تكنولوجيا متقدمه اكتر كوريا ولا فرنسا ولا المانيا ولا اليابان هتلاقى كوريا ااقل تكنولوجيا موجوده والاعلى اليابانى والاعلى الفرنساوى والاعلى الالمانى

وهبتعد عن الالمانى لانه للطبقات العليا من المجتمع ( العلى هو الله )

الفرنساوى اه قطع غياره غاليه بنسبه مش كبير لكن مع طول العمر الافتراضى وغير كده قطع الغيار بتتصمم تحت اتحاد اوروبى يعنى بتتصمم بدقه عاليه جدا جدا مش زى الكورى اللى مصمم بالحلاوه وخلاص اه يا فرحتى اشتريت سير كاتينه ب 20 جنيه وقعد معايا 3 شهور طب لما ادفع 200 جنيه فى سير كاتينه ويقعد معايا 3 سنين ايهما افضل


لكن للاسف انا بتكلم فى مصر يعنى الكلام ده للناس المتحضره فقط لكن هنا ( البطيخه الكبيره احسن من الصغيره وجايز الكبيره قرعه والصغيره مرمله وزى الفل ) لكن للاسف

فرق التكنولوجيا والامان والثبات وانك تبقى راكب عربيه حاسس فيها بالفخامه عن عربيه انت راكبها علشان قطع غيارها وخلاص وجايز تكون مش مريحه فى القياده ومش أمنه فى السفر لكن اهم حاجه قطع الغيار وسهوله الصيانه
ههههههههههههههههههههههههه هه

للاسف كنت فاكر هلاقى كلام غير ده خالص للاسف بقت كوريا احسن من العربيات الفرنساوى والالمانى واليبانى

لكن انتوا نسيتوا تقولوا احسن من الامريكى ههههههههههههههههههههههههه ه

[خالداعزالناس]

فى بدايه نزول السيارات الكورى ............ كل الناس كانت خايفه من السيارات الكوريه
وكانت تفكر اكثر من مره قبل شراء سياره كوريه ..... كانها تتحسس الاراء اولا قبل الشراء لسياره كوريه الصنع

لكن الان .............. سيارات كوريا الجنوبيه ...... سيارات متألقه جدا ..... ومن افضل السيارات فى السوق المصرى والعربى والعالمى والامريكى والاوربى واليابانى والعالم اجمع

اجمل تحيه لكل السيارات الكوريه المتألقه