#1
|
||||
|
||||
شكرا خاص جدا لأحسن مهندس فى توكيل اسبرانزا
مساء الخير ياجماعه بجد انا النهارده عايز اشكر الشخص الوحيد اللى بيخلينى اروح التوكيل ال................ بتاع ابو الفتوح ده ودى للمره التانيه بشكره فيها ودى نصيحه برده لكل واحد عايز يأخذ حقه فى التوكيل .
هو المهندس هيثم مهندس استقبال فى مركز خدمه اسبرانزا العباسيه بجد والله انسان اكتر من رائع وبيخاف على مصلحه العميل اكتر من مصلحه شركته ( ودى نادر اما تلاقيها ) والكلام ده مش كلامى انا بس ده كلام كل العملاء اللى بيروحوا هناك ومش هيتأكد من كلامى الا اللى يتعامل معاه وربنا عارف وشاهد انى مفيش بينى وبينه اى مصلحه لكن دى كلمه حق لازم نقولها فى حق انسان محترم ومش هيخليك تدفع وتشترى حاجات ملهاش لازمه ويبقى عيب العربيه هو هو بعد ماتغير مثلا تيل او طنابير او فلاتر لأ هيقولك ويعرفك ويطلع يجرب معاك ولو فى حاجه هتعوز تتغير فى الضمان هيغيرهالك فى اسرع وقت زى ماحصل معايا فى المساعدين عملى مطالبه سريعه للمساعدين بعد ما رفض مركز خدمه ابورواش ومركز خدمه فرست كار رفضوا يغيرولى المساعدين وهو اللى طلع جرب العربيه حوالى نص ساعه وراح عامل امر تشغيل فورى واتصل بيا بنفسه بعدها ب4 ايام عشان يحدد معايا معاد اغير فيها المساعدين فبجد انسان رائع ويسمع منك كل اللى انت عايزه وينفذهولك بدون زعييق ولاقله ادب اللى بنشوفها فى كل مراكز ابو الفتوح واسف لو طولت عليكواا ...... وشكرا
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
#2
|
||||
|
||||
رد: شكرا خاص جدا لأحسن مهندس فى توكيل اسبرانزا
ربنا يكتر من امثاله انا من ساعة ما جبت العربيه وانا عند ابو رواش بصراحه مركز زفت
بس المشكله ان العباسيه بعيد عني
__________________
SaMa7y
|
#3
|
||||
|
||||
رد: شكرا خاص جدا لأحسن مهندس فى توكيل اسبرانزا
ألف مليون مبروك يا أستاذنا
والله شوقتنى أنى اقابل المهندس هيثم - معرفة الرجال كنوز - |
#4
|
||||
|
||||
رد: شكرا خاص جدا لأحسن مهندس فى توكيل اسبرانزا
شكرا لحضرتك ده حضرتك اللى استاذنا الكبير يااستاذ احمد وربنا يخليك لينا
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
#5
|
||||
|
||||
رد: شكرا خاص جدا لأحسن مهندس فى توكيل اسبرانزا
اولا شكرا ليك يا باسم انت و المهندس هيثم و ياريت لو يكون عندنا فى الاسكندريه واحد زيه
لكن انا باء كونت عاوز اعرف حاجه انا انهارده كونت راكب عربيه بابا الاسبيرانزا و فوجئت انى فى لمبه لونها اصفر جنب الشاشه على طول و هى زى الى فى الصوره دى لكن لونها اصفر و مفهاش علامه التعجب الى فى النصف دى و المشكله انها نورت لمرتين و بعد كده مشفتهاش تانى فا كونت عاوز اعرف ايه دى و بتحذر من ايه
__________________
كريم على
|
|
|