|
#1
02-06-2010, 10:50 AM
|
|||
|
|||
القصة التي ابكت العالم قصة كفاحي مع ال 128
طبعا انا لما شوفت استاذي الكبير عبد السلام عمل مواضيع عن رحلته مع السيارات في جنوب افريقيا والعراق ولبيا والدول الجامده وشوفت حازم باشا وقصة الحب اللي بينه وبين السويفت قولت اشمعني انا ما انا بردك ليه قصة كفاح مع السيارة رقم 1 في الفيات ال 128 بس رقم 1 من الخلف سامع واحد من الناس اللي بتقرا الموضوع بيزعق وبيقولي ما تخش في الموضوع علطول وطبعا هرد عليه بس بعد ما اخلص الموضوع ما تيجو تشوفوا معايا قصتي يا ريت كل واحد يظبط تردد القناة عنده علي 11850 افقي 27500 عرضي اولا القصة ديه عمرها 8 شهور في يوم 26/6/2007 كنت وصلت لمرحله من الجنون لاني كنت لسه متخرج وجايب جيد جدا مرتفع وكانت جايزتي هيه عربية وناس نصحوني واولهم جوز اختي اني اجيب عربية مستعمله اتعلم عليها الاول وبعدين اجيب حاجه زيرو وكانت نصيحة صريحه مريحة بس جت علي دماغي في الاخر المهم في جنبنا معرضين سيارات مستعمله قولت اروح اشوف كدا ايه النظام وكنت مركز علي الـ 128 فكانت اودامي واحد بيضه وواحده حمرا المهم انا اخترت الحمرا علشان انا اهلاوي طبعا وجيبت واحد ميكانيكي يفرز العربية قالي العربية 10/10 وطبعا لبسني في الحيط لان العربية محصلتش -50/10 بالسالب طبعا العربية طلعت رشه دواخل وخوارج والكاوتش اللي فيها كله في الضياع والماتور بتاعها صوته ينرفز عامل زي العيل الصغير اللي مبيبطلش عياط كل ده طبعا فهمته متاخر لانها كانت اول عربية في حياتي ومكنتش اعرف يعني ايه رشه دواخل ورشه بره والكلام ده المهم من هنا لهنا اتفقنا علي 16500 جنيه و 500 جنيه مصاريف التسجيل وحلاوة السمسار يعني قفلت 17000 جندي اول مشوار للعربية قولت اطلع بيها عند خالي المهم ركنتها وطلعت وكان في فرح في الشارع عندهم وانا ماشي من عندهم معرفتش امشي لاقدام بسبب الفرح المهم قولت اجيب ورا يا بوحه قعدت اجيب ورا وسامع واحد عمال بيزعق وحاسس ان العربية في حاجه حشراها اتريني عمال بخبط في عربية 128 بردك بس لونها ابيض وصاحبها عمال بيزعق وانا ولا انا هنا لاقيت ولاد خالي بيجرو عليا علشان ينبهوني المهم اعتزرلته وقولته هعملهاك قالي لا مبقبلش العوض قولتله طيب اللي يجي من الصعايده فايده قولت اجيب اودام علشان اخليه يطلع روحت خابط عربية اودامي ماهي ظاطط بقا ده كان اول يوم ما يعلم بيه الا ربنا تاني مشوار مهم في حياتي وحياة العربية كان للتجمع الخامس وكان الطريق منيل بنيله وقعدت اهرب من الشارع والتاني لحد ما لقيت شارع كل الناس قعدت تقولي مش هيجيب العربية بتاعتك قولتلهم انتو هتفهموا اكتر مني ادخل يا عم وسيها علي الله المهم روقت العربية من الجانبين تخبيط في بلكونه ده وشباك ده لحد ما خرجت من الشارع الفقري ده بس ايه عربيتي وسعته من كتر التخبيط وعملت الشارع ده طريق للعربيات تمشي منه المهم بعد ما طلعت الدائري لقيت في سخونيه جامده داخله علي رجلي كبرت دماغي اتاري الريداتير مفيهوش ميه والعربية جابت وش سلندر اتاري لمبة الحرارة مش شغاله في التبلوه وديه كانت بداية صداقة حميمة مع الميكانيكي بتاعي وزي ما يكون كتب كتابه علي العربية بتاعتي وبقيت بتبات عنده وانا حالي بقا يصعب علي الكافر شوية كدا ونكمل اريح ايدي شويه لحسن ديه قصة لو قعدت اكتب فيها من هنا للسنه الجايه مش هخلص المقالب اللي عملتها فيه سامع واحد من اللي قاعدين ورا بيزعق وبيقول احنا فضينلك ورانا امتحنات وشغل هرد عليه واقوله يعني انتا مستحمل حكومتك واللي بتعمله فيك من يوم ما اتولدت ومش قادر تستحملني الشويه دول ptmnlo123per144 اصبرو ديه القاعدة هتحلو وهنبقي في الاخر عاملين زي الفرخ ديه 
|
|
#3
02-06-2010, 12:41 PM
|
||||
|
||||
|
رد: القصة التي ابكت العالم قصة كفاحي مع ال 128
كل دة بتريح ايدك انا مستنى من الصبح
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#5
02-06-2010, 01:07 PM
|
|||
|
|||
|
رد: القصة التي ابكت العالم قصة كفاحي مع ال 128
الكلام ده كبير قوي يا رجاله على فكرة يا أستاذ corsair مستنيين الباقي عشان تقريبا انت بتفكرني بمراحل مهمه في شبابي
__________________
If you want a thing well done, do it yourself
|
 |
|
|
