سوق الجمعة للسيارت 31.08.2012

[ابو هيما]

السلأم عليكم ورحمة الله وبركاته
من ساعة مابيعت أخر عربية معايا بى أم دبليو الدبانة 1992 وأنا عمال بدور على عربية كويسة , ونزلت اتفرجت على الجديد وبصراحة أسعار فل ماتشجعش حد يشترى لأ خامات ولأتقفيل عدل وأسعار نار ع الفاضى .فقررت أشترى مستعمل !!!!!!!!

السوق كان مش زحمة أوعى والجو كان حر , بس العربيات المعروضة معظمها 90% ولأ تسوى ومعظم اللى بيعرضوا وبيبعوا تجار , كل واحد جايب عربية بتوكيل وجاى يعرضها ومعظم العربيات 97% رشة , وإليكم بيان بالأسعار اللى جمعتها للأفادة ...

BMW الدبانة 1992 رشة خارجى صالون جلد 66 ألف
BMW موديل 1996 محرك 2500 سي سي 90 ألف

لأنوس 1999 نضيفة 43 ألف
لأنوس رشة خارجى 38 ألف

لأنسر أتوماتيك 2006 رشة برة 63 ألف
لأنسر 1998 كاربرتير 48 ألف
لانسر 1300 سي سي مانيوال موديل 2006 فابريكة برة وجوة ب 72 ألف
لانسر 2009 سوبر أكشن أتوماتيك رشة بالكامل ب 90 ألف
لأنسر 2009 سوبر أكشن أتوماتيك فابريكة ب 96 ألف

تويوتا كورولا فابريكة 1300 سىسى موديل 2007 93 ألف
تويوتا كورولأ 2011 أتوماتيك هاى لأين عداد 7000 فابرية وفرش جلد تعبان ب 151 ألف جنيه
تويوتا كورولا 1997 ب 51 ألف
تويوتا ياريس 2009 هاف مانيوال 1300 سي سي 76 ألف .
تويوتا ياريس كاملة مانيوال موديل 2008 فابريكة برة وجوة عداد 43 ألف وبعض الخربايش والتجاريح من الخارج والراجل ماسك فى 75 ألف ومش عاوز ينزل جنيه مع أن التبلو والعداد شكل الزمن والأيام باين عليهم
تويوتا ياريس كاملة مانيوال موديل 2008 رشة برة بالكامل ب 66 ألف

فيات بونتو رشة أكصدامين ورفرف , فرش نضيف موديل 2004 ب 48 ألف

نيسان تيدا حالة الزيرو عداد 7000 كيلو بس وبكيسها أتوماتيك 2010 ب 102 ألف

هوندا سيفيك 2008 كاملة أتوماتيك , تحكم فى الطارة , فابريكة جوة وبرة , عداد 43 ألف كيلو بسعر 105 ألف جنيه

مازدا أيرو 2008 رشة برة ب 85 ألف

هيونداى ألنترا أتوماتيك 2006 ب 68 ألف رشة بالكامل
هيونداى ألنترا الشكل الجديد 2012 مانيوال فابريكة بالكامل ب 105 ألف
هيونداى ألنترا 2009 أوتوماتيك عداد 86 ألف كيلو ب 82 ألف جنيه
هيونداى ألنترا 2008 مانيوال عداد 102 ألف فابريكة بالكامل مرور أسماعلية 80 ألف جنيه
هيونداى أكسل موديل 1998 رشة برة 36 ألف جنيه
هيونداى أكسنت موديل 2006 محرك 1300 سي سي ب 42 ألف
هيونداى فيرنا ماشليتش نمر , فابريكة وبأكياس المصنع ب 69 ألف
هيونداى ألنترا 2009 أتوماتيك عداد97 ألف كيلو ب 84 ألف جنيه

طبعاً أنتوا شايفين الأسعار والتضارب اللى فيها عاملة أزاى , عشان كده أنا قررت أوفر القرشين اللى معايا واللى كنت ناوى أشترى بيهم عربية وأروح أشترى تربة أحسن وأدفن نفسى فيها , ههههههههههه !!!!!!!!!!!

[RAKY]

طب بقولك ايه ياابو هيما الكيا برايد تعمل كام دلوقتى

[ابو هيما]

المشاركة الأصلية كتبت بواسطة RAKY طب بقولك ايه ياابو هيما الكيا برايد تعمل كام دلوقتى

بصراحة ماشفتش منها فى السوق أو يمكن كانت موجودة بس أنا ما اخدتش بالى لأنى كنت ببص على موديلات تانية , حضرتك ممكن تدخل على موضوع متوسط أعار المستعمل وتسأل الدكتور تامر وكمان ممكن تسأل الأستاذ يحي أشرف وهما الأتنين هيفيدوك بالسعر أن شاء الله , بالتوفيق

[Ayman_Nazeih]

مشكوووور على المجهود الرائع ده
وربنا يعترك فى عربية حلوه وبنت حلال إن شاء الله
بس انا عايز اسألك سؤال....هو انت زعلان على عربيتك ال BMW اللى بعتها ولا ارتحت منها ومن مشاكلها؟

تقبل مرورى.....تحياتى

[TiTo Sky]

مشوفتش اسعار الهيونداي جيتز