|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#2
26-10-2014, 08:19 PM
|
||||
|
||||
رد: off Road Cars
حجاوب حضرتك بصورة مبدأية على حد معلوماتى البسيطة ...
البداية فى سيارات الدفع الرباعى ... سيارات كبيرة الحجم ... و بالتالى كبيرة المحرك ... و تعمل بنظام الدفع الرباعى الكلى ( الدائم ) او الجزئى .. عالية عن الارض ... عفشة ناشفة .. و كماليات قليلة على سبيل المثال لا الحصر .... اللاند كروزر الشاص .. اللاند كروزر التعلبة  .. الجيب الويلز القديمة .. البليزر القديمة .. الفورد برونكو  ... فورد F150 F250..  و الدودج رام .. الهامر H1 و اغلبها زى ما حضرتك شايف عربيات قديمة SUV يعنى Sport utility vehicle التقدم الطبيعى للفئة دى ... جعلها ملائمة اكثر للقيادة فى للمدن .. فتمت اضافة المزيد من وسائل الرفاهية و تصغير حجم العربية و توطيتها شوية على الارض و تغير نظام التعليق ليكون اكثر نعومة ... و تم كمان تطوير و تعديل نظام الدفع الرباعى لجعله اوتوماتيكيا وقت الحاجة او عند بداية الحركة فقط .. و دى كانت فكرة جيدة جدا من وجهة نظرى ... و على سبيل المثال لا الحصر ... الجيب شيروكى ... ديهاتسو تيريوس ... فورد اكسبلورر و اكسبدشن .. و اغلب السيارات الموجودة على الطريق ذات خاصية الدفع الرباعى crossover دى الدرجة الى بعد SUV العربيات اتشال منها الدفع الرباعى ... حجمها صغر قليلا .. الرفاهية زادت ... و منها الفولكس فوكس .. و سيارات اخرى crossover فى علم السباكة X over .. هى قطعة معدنية .. تنقلك من قطر الى قطر اخر ... او من اسنان قلاووظ الى اسنان قلاووظ مختلفة فيه عربيات مش بتكون واضحة اوى فى الفرق ما بين فئة و فئة اخرى ... زى اللاند كروزر ال فى اكس فئة 80 و فئة 100 مثلا ... دى دفع رباعى و لا SUV .. السوبارو امبريزا ... و هكذا
__________________
|
|
#3
27-10-2014, 12:17 PM
|
||||
|
||||
|
رد: off Road Cars
متشكره جدا على الأيضاح. معنى كده ان ال الكروس أوفر هو التطور بتاع ال SUV بس مش فاهمه ازاى الدفع الرباعى بقى اوتوماتيك مش هو بيكون اختيارى وقت الحاجه بننقل على WD4 غير كده العربيه ماشيه 2WD. معلش اصل معلوماتى على قدى شويه. و كمان عندى سؤال هو ليه فعلا العفشه ناشفه لدرجه ان العربيه تتأرجح مع اى حفره صغيره و تحس بهبدة فى العفشه. انا لاحظت العيب ده فى كل الشيروكى
|
|
#4
27-10-2014, 05:35 PM
|
||||
|
||||
|
رد: off Road Cars
الكروساوفر هو تطور SUV للقيادة داخل المدن و الرفاهية .. العربيات ال SUV و عربيات الدفع الرباعى لا تزال تنتج حتى الان مع محاولات التطوير المستمر
الدفع الرباعى الاختيارى بيكون فى عربيات كتير .. و كلمة اختيارى معناه ان حضرتك الى بتختار دفع كلى 4X4 .. 4WD او الدفع الخلفى فقط 2WD الاوتوماتيك يعنى ان العجل الامامى يعشق و يفصل لوحده تبعا للحاجة ... و ده يتم عن طريق حساسات بتكون راكبة على الاربع عجلات لمحاولة الاحساس بانزلاق العجل و بزيادة العزم عليه زى الهوندا HRV فيه نوع تانى .. بيعشق الدفع الرباعى دائما فى السرعات البطيئة و عند بداية التحرك ... و يفصله عند السرعات العالية ... زى السوزوكى فيتارا الحديثة العفشة الناشفة بتكون للتحمل فى العربيات العالية و فى العفشة الناشفة حضرتك بتحس بالمطبات الصغيرة بوضوح ... و لا تشعر بالمطبات الكبيرة بنفس احساس السيارات ذات العفشة الناعمة من السيارات المعروفة بنعومتها بالرغم من كونها عربية دفع رباعى ذات تاريخ طويل .... اللاند روفر ... 4 سوست حلزونية تقريبا من اول ما اتصنعت .. فتشعر بنعومة كبيرة فى المطبات  الشيروكى و غيرها كتير من السيارات ... 2 سوست حلزونية امامية .. و 2 سوست ورقية خلفية ... و السوست الورقية دى هى الى بتخلى عفشة الشيروكى ناشفة .. الموديلات الحديثة استبدلوا السوست الورقية بسوست حلزونية  عربيات الدفع الرباعى القديمة .. سوست ورقية امامية و خلفية .. و دى ملهاش علاقة بحاجة اسمها نعومة ... ترزيع طوال الوقت ... و فائدتها الكبرى فى الاحمال ... بمعنى .. ممكن حضرتك تلاقى عربية بليزر 4 باب .. و ممكن تلاقى 2 باب و صندوق عربية نقل و هكذا   
__________________
|
|
#5
27-10-2014, 07:10 PM
|
|||
|
|||
|
رد: off Road Cars
ممتاز ممتاز ممتاز هى العربيات دى عفشتها وتطورها زى ما شرحت بالظبط
انا عندى لاند كروزر 95 وموجود منها جميع الموديلات من اول موديل 70 لحد موديل 2014 وفعلا عفشة العربيات القديمة كانت ناشفة لكن الجديدة مرنة بس العفشة القديمة بتستحمل اكتر وعموما اللاند كروزر عربيات ما اظنش انها تصلح لغير السفر الطويل او عبور الرمال والجبال
|
|
| أدوات الموضوع | |
|
|
off Road Cars
