ارجو المساعدة هل يوجد سيارة فيات 127 موديل 2000؟

[ahmed_mohmed2270]

السلام عليكم
انا جديد فى قصة العربيات و ناوى اشترى عربية واحد صاحبى قالى فى عربية فيات 127 موديل 2000 للبيع و انا معرفش اى حاجة فواحد صاحبى تانى قالى ان العربية دى مش موجود منها موديل 2000
ارجو من حضراتكم المساعدة و بارك الله لكم فى معلوماتكم

[OSAMA21]

عندى سيارة فيورا مو 84 خمؤاء دواخل فبريكة و خد عندك بقى يا عم انا عملت فيها الاتى : غيرت الكاوتش و الجنوط و الطنابير و المقصات و السوست و المساعدين و الجلب و كل ما سبق امامى و خلفى !!!و تغير قواعد الفتيس و الماتور علبة دريسكون و كبالن و ريادتير بمروحتة و شكمان كامل بعلبتين و عمرة كاملة البساتم زيرو 10 الان و سنتر و انذار و موبينة جديد مع اسرك بوجيهات جديدة و اسبراتير جديد !!! و كوالين ابواب و زجاج و مفتاح واحد للباب و التنك و الشطنة و جلد الابواب و كاسيت و سماعات و مساحات امامى و خلفى و فرش جلد للكراسى مع تنجيد السقف على اسياخ و فرش ابواب جديد و اكصدام خلفى صاج و فوانيس امامى اصلى و دينمو استعمال نظيف و كونكت اصلى جديد و زجاج امامى و دركسيون اسبور و مروحة بين السمعاتين للتبريد مع مروحة امامى خلق التابلوة للتبريد ايضا و عزل تام للتبلوه جميع العدادات تعمل و مفتاح سرى لفصل الكهربة و تقفيسة حديد للبطارية لمنع السرقة و كوريك 2طن و استبن مستعمل و شداد للحوض بين البطاحات حتى لا يقفل الشاسيه !!! بالله عليكم لو حبيت ابيع تلك السيارة ابيعها بكام

[coly]

معتقدش انه فيها منها موديل 2000 اخرها 87 ومكن لو عايز انك تشتري منه تبص ع الرخصة بتاعت العربية هتعرف اصلها وفصلها ايه.

[الحمادوى]

هى اخرها فى التمنينات بس وده كلام اكيد
يعنى تقريبا اخرها 87
بس البديل بتاعها او الشبيه فى الشكل ويكون موديل 2000
هى الفيات اونو ومتوسط السعر مستعمل 30 الف يزيد او يقل على حسب الحالة
ولو عاوز سعر اقل يبقى فى موديل التسعينات

ودى صورنها