#1
|
|||
|
|||
ماذاافعل لوطالع كوبرى مزدحم
ماذاافعل لوطالع كوبرى مزدحم وواقف من السيارات . وماذاافعل وانا نازل من الكوبرى المزدحم بالسيارات .
التعديل الأخير تم بواسطة AbOnOrA ; 06-02-2014 الساعة 12:37 PM |
#2
|
|||
|
|||
رد: ماذاافعل لوطالع كوبرى مزدحم
وانت طالع الكوبرى المزدحم لو انت متمكن من السواقه هتعرف تحافظ على وزنة العربيه بالدبرياج والبنزين
لو انت فى بدايات السواقه هتعمل الاتى اول لما تكون طالع الكوبرى والكوبرى وقف هتدوس دبرياج وفرامل وتشد فرامل اليد وبعدين تمور العربيه وتشيل رجلك من على الفرامل والدبرياج واول لما الكوبرى يبتدى يتحرك تانى هتدوس دبرياج وتجيب الاول وتدوس على البنزين بزياده عن العادى ( اقصد عن العادى اللى هوه فى الطريق العدل ) وبعدين تنزل فرامل اليد وترفع دبرياج بسيط هتلاقى العربيه اتحركت ومرجعتش لورا فى حالة نزول الكبارى هتسوق عادى جدا على الاول ولما الطريق يقف هتدوس دبرياج وفرامل وتمور العربيه واول لما الطريق يمشى بسيط هتلاقى العربيه نزلت بوزنها وساعتها هتبقى رجلك بس على الفرامل والعربيه طبعا مموره مشى الطريق تسيب فرامل وقف الطريق تدوس فرامل
__________________
لا آله إلا الله. محمدُ رسول الله اللهم صلى على سيدنا محمد وعلى اله وصحبه وسلم |
#3
|
||||
|
||||
رد: ماذاافعل لوطالع كوبرى مزدحم
جزاكم الله خيرا
إجابة بسيطة ووافية
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#4
|
|||
|
|||
رد: ماذاافعل لوطالع كوبرى مزدحم
بص موضوع انك ترفع فرامل اليد وتنزلها في طلعة كبري مش عملي نهائي . لاني الكبري بيقف ويمشي كل 10 ثواني فمش معقولة .
الحل انك تدرب علي الأتي وكذا مرة هتلاقي نفسك بقيت سريع فيها ومش هتريح الكبري ماشي وانت جايب الغيار الاول وقف الكبري دوس فرامل وديبرايج مشي الكبري هترفع سنتين تلاتة من علي الديبراج وبعد كدا هتشيل رجلك من علي الفرامل وتدوس علي البنزين سنة مش هترجع لورا ومش هتقف وانتا بترفع رجلك سنتين تلاتة من علي الديبراج هتلاقي العربية اصلا بتتهز شوية لانك مديها امرين امر تمشي وامر توقف ( وانت دايس فرامل ) لكن لما تحترف الموضوع مش هتعمل كدا . هتدرب ازاي ؟ اقف في طريق معتدل عادي . اقف وادي غيار الاول وطبعا هتكون دايس ديبراج للاخر . ودوس فرامل . وابدء ادرب علي سنة الديبراج ارفع سنة اتنين تلاتة هتلاقي نفسك حسيت اني العربية عايزة تتحرك وفي نفس الوقت قفشة بالفرامل . وسيب فرامل هتلاقيها اتحركت . وهنا هتتحرك لانك واقف علي معتدل لكن علي الكبري مش هتتحرك لانها هتكون متحملة وزن السيارة . مرة واتنين وتلاتة لحد 10 مرات . وكل مرة حاول تنوع في حركة رجلك وسرعة نقل رجلك اليمين من الفرامل للبنزين بعد كدا روح علي مطلع شارع وميكونش بزاوية كبيرة يعني متوسطة واقف فالنص وبليلل ورايق . وجرب بقا الي عملتو وانت واقف علي طريق معتدل هتبطل منك مرة واتنين وتلاتة . عادي جرب تاني بعد كدا روح جربو علي زاوية اكبر .وهكذا اتمنا اكون قدرت اوصلك الطريقة . وربنا يوفقك ويستر طريقك دعواتك بالستر |
#5
|
|||
|
|||
رد: ماذاافعل لوطالع كوبرى مزدحم
رايى انك تتدرب ع فرامل اليد الاول لكن موضوع انك تتدرب على الدبرياج والفرامل الاتنين والعربية تتهز كدا انتا بتحرق الاسطوانة والديسك وهتغيرهم قريب ع ما تكون اتعودت هتيكونوا باظوا انتا خليك ف الفرامل الاول واما تسوق كتير انتا هتعرف امتى العربية بتتحرك وهتلاقى من نفسك عملتها من غير ما تحس
|
أدوات الموضوع | |
|
|