#1
|
|||
|
|||
حكايتى مع ماتور متهرب
السلام عليكم
اخوانى انا اشتريت ماتور فى شهر 10 نوعة بولو 1400 من تاجر فى المنصورة وادانى فاتورة باسم شركة فى بورسعيد اللى هيا مستوردة الماتور بالرقم الضريبي ورقم الافراج والشهادة الاسترادية وخلافة وعليها ختم النسر للجمرك وجبت صورة من الافراج الجمركى للماتور وعلية شوية اختام من الجمرك على الصورة زى ختم النسر للجمرك وكمان ختم الاحداث بعدها بشهرين قلن اجدد الرخصة وانقل الرخصة باسمى كان تقريبا من شهر 12 اللى فات ومن ساعتها دخلت فى رحلة العذاب وفى الاخر اكتشفت الكارثة الماتور متهرب وملوش ورق نهائى فى الجمرك الرخصة خلصت والشهر السماخ انتهى وواخد مشاوير لبورسعيد يجى 15 مرة قلتلة ياعم خلصنى وهات ماتور غيرة راح جايبلى ماتور بايظ وقال دا اللى عندى قلتلة مينفعش انا عايز ماتور نضيف قالى اصبر وصبرت ومفيش فايدة قلتة ياباشا خد ماتورك وهات الفلوس الماتور مدفوع فية 2500 جنية قالى مفيش مشكلة هات الماتور وخد الفلوس قلتلة تمام انت كدا تمام قالى بس مترضليش الخسارة قلتلة تقصد اية قالى هات الماتور وخد 500 جنية نصب فى نصب يعنى الوقتى انا لو اشتكيتة بالورق اللى معايا ؟؟؟؟ ولا شربت الماتور خلاص وانزل اشترى غيرة والله سالت فى المرور ناس قالوا استعوض ربنا وناس قالوا لا اشتكى بس هتصرف وناس قالوا لا انت هتمرمطة والله معنتش عارف |
#2
|
|||
|
|||
رد: حكايتى مع ماتور متهرب
محامي يفيدك اكتر في الموضوع ده
|
#3
|
|||
|
|||
رد: حكايتى مع ماتور متهرب
وحتصرف بس حتبهدله وتجيب حقك وبزياده كمان بس حتصرف والقرار الاول والاخير للمحامي إللي حتعمل ليه التوكيل علشان يرفع ليك القضيه علشان هو إللي حيقدر يقول ليك إذا كان حيقدر يربط العلاقه بين الماتور بتاعك وبين الشخص ده وربنا معاك
__________________
محامي تحكيم دراسات عليا في التجاره الدوليه ماجستير في القانون – جامعة عين شمس باحث دكتوراه زهراء م.نصر – القاهره 01228838384 شكرٌ ودعاء خيرُ جزاء |
#4
|
||||
|
||||
رد: حكايتى مع ماتور متهرب
بص يا باشا
انا عندى فكرة لو خلاص غلبت على الاخر ومعرفتش تعمل حاجه خصوصا انك لو جبت محامى وكدا هتصرف اكثر من 2500 تجيب بيهم ماتور تانى المهم الفكرة كالتالى حضرتك هتروح تشترى ماتور جديد بس طبعا المره دى من حد محترم وتركبه فى عربيتك وتخلى الماتور اللى راكب دلوقت عندك المهم تروح تجدد ترخيصك فى المرور 3 سنين وبعدين نفس الميكانيكى اللى ركبلك الماتور يفكه تانى ويركبلك الماتور الى مالوش ورق وتقضى بيه بقى مشاويرك لغاية ما تهلكه على الاخر بعدين بقى بعد كام سنه وعليك خير يكون الماتور جاب اخره خلاص تروح جايب الماتور اللى مرخص وكله تمام وتركبه الموضوع ده هيبقى متعب فعلا وهتضطر تفك وتركب مرتين بس هتاخد حق الماتور اللى دفعت فيه فلوسك وهتستخدمه براحتك اما لو كسلت تعمل كده كل الكلام اللى فات فممكن برضوا تشترى ماتور جديد ورقه تمام وتركبه وتروح ترخصه فى المرور وتخلى الماتور اللى مالوش ورق عندك برضوا بس تخليه قطع غيار للماتور اللى عندك يعنى مثلا جبت وش سلندر لا قدر الله اهو يبقى عندك مارش باظ هيبقى عندك دينموا باظ هيبقى عندك احتجت طرمبة زيت اسبراتير كربراتير او انجكشن على حسب الماتور فى النهاية يعنى كده كده هتلاقى فلوسك ماضعتش هباء وكأنك جبت قطع غيار مقدما وربنا يحاسب الراجل الى عمل كدا طبعا و حسبى الله ونعم الوكيل
__________________
|
#5
|
|||
|
|||
رد: حكايتى مع ماتور متهرب
شكرا ياراجالة
انا معايا فاتورة مختومة بختم النسر الخاص بالجمرك ختم محافظة بورسعيد - ادارة المرور - الشؤن الادارية وفيها بيانات زى رقم الماتور ..... المفرج عنة بالشهادة الجمركية رقم ..... وحصل عنة رسوم جمروكية رقم ...... طبعا البيانات دى مليانة فى الفاتورة نيجى بقى على الافراج طبعا صورة الافراج بس الصورة مختومة اختام اصلية ختم الاحداث اللى هوا جميع الاوراق محروقة ختم محافظة بورسعيد - ادارة المرور - الشؤن الادارية وفية بصمة الماتور ورقم الماتور وشوية صور اختام الوقتى الراجل دا بهدلنى بصراحة ميت مشوار لبورسعيد اما ممكن انزل اشترى ماتور جديد فى داهية ال 2500 جنية بس انا محتاجهم بصراحة لانى بجهز شقتى يعنى محتاجهم الان الشيطان بيقولى اشتيكية لانة مبهدلنى من شهر 10 واخد منة كل مليم صرفتة يعنى هيدفعلى فوق الماتور يجى 1000 جنية كمان |
أدوات الموضوع | |
|
|