رد: سؤال بخصوص المارش والفرامل
تصفير الفرامل ده التيل
لو التيل لسه مليان و تمام و برضو فيه تصفير يبقى حاجه من 2 :
- يا إما التيل نوعة مش حلو و فيه رايش نحاس كتير بيعمل صوت مع الطنبورة
- يا إما رمال دخلت بين التيل و الطنبورة
فى كلا الحالتين محتاج تفك التيل و تطلعه بره و تغسل الطنبورة و بساتم الفرامل و ... كله بالبنزين
و تخشن التيل على صنفرة خشنه 60 مثلاً أو على رصيف أو أسفلت خشن, و بعدين تغسلها بالبنزين قبل تسقيطها مكانها تانى
و تقفل و تسحب هواء من دايرة الفرامل و تزود زيت باكم فى العلبه لو إحتاجت
لو لسه فى صوت يبقى لازم تغير التيل بنوع كويس و بلاش تطنش لإن الطنابير كده بتتاكل, و ربنا يحفظ لك مالك و يسترك.
بالنسبة للتعتيل فى الدوارة, عندى نفس المشكلة الأزلية من زمن و فشلت أفهم هيا بتعمل فيا كده ليه !!!
__________________
|