[ahit]

السلام عليكم و رحمة الله و بركاته

العربية البيتلز ( البطة المستريحة ) معايا من سنة تقريباً و دى مواصفاتها عند الشراء
و هى موديل 1302 و سنة الصنع 1972 و لونها برتقالى غامق و ماتورها ptmnlo123per1171300cc
جنوطها الأصلية مع كاوتش عريض 195/65/R15 نوعه ميشلان ( ممتاز جداً ) بس الإستبن بايظ !!! و الكوريك قديم قوى و مالوش أى لزمة و مافيهاش طفاية حريق و لا غطاء و لاكاسيت بس فيها الراديو الأصلى بتاعها و سماعتين شكلهم حلو بس مجهولين الهويه و الفرش من الداخل جلد بيج غامق ممتاز و جديد بالمشمع و الأكياس البلاستيك و الأرضية موكيت إسود و دواسات كويسة ماعدا اللى تحت رجل السواق و حزام الأمان الأصلى بس قفل اليد بتاع الحزام بايظ !! المهم العربية من الداخل فابريكة و نظيفة جداً من برا و جوا و هو دا اللى شدنى ليها مع إنى معنديش أدنى فكرة عن البيتلز إلا من خلال القراءة فقط و عمرى ما ركبتها أو سوقتها !!! ptmnlo123per1127
بس أنا مقتنع جداً بأن أى عربية حالة و المهم تكون راضى عنها و مقتنع بيها مهما كان نوعها أو موديلها أو لونها
و العربية ماشاء الله فابريكة دواخل و أساسيات بس الماتور خشن شوية و أنا ماكنتش فاهم حاجة و إشترتها و الله من غير ما أجيب ميكانيكى يشوفها ( و دا غلط كبير جداً ) و بالرغم من إن سعرها كان غالى جداً وقت ما اشترتها ptmnlo123per16

أما مشوارى و حكايتى مع تظبيطها هايكون فى مشاركة تانية قريباً جداً

مستنى الردود و الأسئلة و الإقتراحات و رأيكو فى صور عربيتى ptmnlo123per154

و دى صورها ptmnlo123per1119







يا رب تعجبكم
و ياريت باقى الأعضاء يشركونا بصور عربيتهم بردو

و شكراً ptmnlo123per133