المشاركة الأصلية كتبت بواسطة ramy6_1
شكراً لإهتمام حضرتك
بس أنا أسف مش فاهم أيه علاقة ضغط الهواء بتاع الكووتش بإستهلاك البنزين !!!!
|
ضغط الكاوتش في الماروتي منصوح بيه من المصنع 27
لو ضغط الهوا اقل من كده لاي سبب كان بيزود المساحة المعرضه للاحتكاك بالارض وبالتالي مقاومه اعلى وبالتالي استهلاك بنزين اكتر بنسبة 10%
اما لو زودت الهوا عن 27 ده معناه ان لما هتمشي الظهر ومع زياده حرارة الكاوتش اثناء الحركة الكاوتش هيوصل لضغط لا يقل عن38 وده خطر جدا على ثبات العربية وهتلاقيك بتدوس فرامل بمعدل كبير واي دوسة فرامل معناها بنزين زياده لنفس السبب وهو زيادة المقاومه ....
فلتر الهوا المسدود بيزود برضو بما يقارب ال10% من الاستهلاك ده غير انه بيبقى كاتم العربية عالآخر
ناهيك بقا عن ظبط الاسبراتير وتنظيف الكربيراتير وتغيير البوجيهات
انا تعمدت اني ألفت انتباهك لحاجه بسيطه بس بتفرق جامد في الاستهلاك
وبعد التجربه اشتريت منفاخ عجل ومقياس وبظبط الاربع فرد كل اسبوع مره
تحياتي