[xxx2007]

اهلا يا chato_eg
فى البدايه الموضوع دا انا عملته عشان اسأل فيه سؤال واحد طبعا حضرتك عارفه وتمنيت لو ان الساده الاعضاء من ذوى الخبره يجاوبونى ( مش عشان اقول رأى الخاص في الميجان لانى معرفهاش ولا جربتها اساسا ولا هيه ولا اى عربيه تانيه ولو خدت بالك انا قولت فى بدايه كلامى انى محدود المعرفه فى عالم السيارات و لما لقيت المنتدى سجلت عشان ادخل واستفيد من خبره كل اللى سبقونى عشان افهم عربيات انا كمان زى ناس كتيير مش عارفين وعاوزين يتعلمو و طبعا دا مش عيب الواحد لازم يطلب المعرفه برضو يعنى مش خبير عربيات و داخل اتناقش و ادخل فى جدل )والا مكنتش سألت وتعبت كل الناس اللى ردت و حضرتك واحد منهم .
فى الحقيقه انا كتبت كلام كتيير و حضرتك علقت على الجزئيه دى بس و انا برضه هارد فى نفس الجزئيه
اولا انا مش خبير سيارات و معلوماتى فيها على ادى لكن اعرف طبعا لاند روفر و اعرف انها شركه كبيره و لها اسمها فى عالم صناعه السيارات ال 4X4 و اعرف كمان انها كانت سياره عسكريه فى اوائل السبعينيات والجيش الاسرائيلى نفسه كان بستعملها لاغراض عسكريه فى فتره حرب الاستنزاف يعنى من بعد 67 وحتى 73 زى جيب كدا
وطبعا دا ما عابهاش فى حاجه و لسه بتنتج وشغاله زى هامر و جيب و غيرها عادى ومش عيب ان شركه صناعه سيارات عسكريه تصنع مدنى او العكس او ان طراز عسكرى يحولوه مدنى ايه المشكله دا حتى الحكايه اللى حكتهالى دى اول مره اسمعها بتاعه شوارزينجر و على كتر الف خيره عمل طيب فى الشركه و كل عشاق هامر دلوقتى اللى بيقتنوها سواء من المشاهير او الناس العاديين لكن طبعا كلهم اغنيا لان الهامر غاليه و مركبهاش غير الاغنيا زى ما حضرتك عارف
و الجيب شرحه كل اغنيا البلد راكبين منها و منتشره هنا عندى فوق ما تتصور موديلات قديمه وجديده محدش قال مش هاركبها دى عربيه جيش هيه ولا الهامر ولا حاجه ثم مفيش شركه متأثرتش بالازمه حتى جنرال موتوز بجلاله قدرها فلست و انهارت اما كل شركه اتاثرت قد ايه وازاى دى حاجه ملناش فيها والصمود دا نسبى يعنى الصامد النهاردا ممكن اوى يتباع بكره عادى يعنى مفيش حد فى امان .
وانا لما قولت ان جيب وهامر جبابره دفع رباعى مكذبتش همه كدا فعلا فى بلدهم والعالم كله احسن من لاند روفر اقل زيها الله اعلم المهم انهم مش فعلا عمالقه ومش شويه فى المجال يعنى منافسين جامين اوى وبيبيعو كويس ولهم شريحه محترمه من الزباين مش بيركبو غير منهم وحصه السزقيه حلوه جوه وبره امريكا يعنى مش بتوع مخلل ؟
حضرتك مش بتحب الرانجلر وشايف ان شكلها وحش جميل فين المشكله مانا نفسى فى عربيات غاليه جدا و تمنها ملايين محبش شكلها ول ادوهالى بلاش مركبهاش عادى كل واحد حر وبالمناسبه همه لسه منزلين رانجلر كنسبت 2 راكب لما شوفتها عجبتنى جدا شكلا لككن اداء الله اعلم ممكن حضرتك تشوف صورها عالنت و تقول عليها شكلها زباله عادى فين المشكله شوف رانج روفر غاليه اد ايه وفيه ناس كتيير اغنيا راكبنها انا بقى مش بحب شكلها نهائى ا و بحس انه قديم جدا ول اديهالى من غير فلوس مش هاركبها عادى انا حر انا ممكن يعجبنى شكل عربيه صينى وميعجبنيش شكل عربيه المانى واظن كل واحد حر فى رأيه يحب اللى يحبه ويكره اللى يكره حضرتك مثلا بتعشع حاجه اسمها اوروبى و بتكره الامريكى و عادى جدا انت بتعشق الميجان غيرك بيقى نفسه يولع فيها لو شافها فى اي حته عادى جدا هوه عشان واحد بيحب حاجه اقوم يموت التانى فيها ؟!!!!!!! انا اول موضوعى قولت انى فاهم كويس اختلاف الازواق اللى تكره انت يحبه غيرك والعكس صحيح و بالمناسبه ابقى زور موقع لاند روفر منزلين عربيه شكلها حلو مش الشكل بتاع رانج روفر العجيب دا اللى احنا متعودينه اسمها LRX CONCEPT شكلها عجبنى عادى جدا مفيش اى مشاكل .
ولو هانكمل كلام على الشكل فقط من غير مانجيب سيره اى حاجه تانيه
مش بتحب كاديلاك مش مشكله فيه ناس مش بتحب رولز و بنتلى اللى همه عنوان الفخامه عادى جدا انا بحب جاجوار واودى بى ام ومرسيدس و رولز و بنتلى و تقريبا كل سيارات الصالون الفاخره و مش بحب فيرارى و لامبورجينى و غيرهم من اغلى السيارات الرياضيه فى العالم ليه ؟ لانى بحب الصالون و السيدان الاربعه باب و الهاتش باك واللفت باك وكل العربيات العاديه ومش بحب السيارات الرياضيه اللى بتبقى قربيه من الارض واتنين باب دى ايه يعن كل واحد حر
واحد بيحب لكسس ولوتوس ومش جاجوار وايه يعنى هوه حر مش هاندبحه او بيحب بويك و مش بيقبل بنتلى ؟ مفيش مشاكل و اهه كلها اوروبى
و بعدين الامريكان محتاج عربيه كبيره ليه شوف البلد هناك فيها كام بنى ادم ومساحتها اد ايه دى حوالى اكتر من تلت قاره طبيعى جدا انه يطلب عربيه كبيره وفور بى فور عشان لوحب يسافر يطلع من ولايه يروح ولايه الطرق هناك طويله اوى محتاجه حاجه ليها قوه عالسفر ومش مشكله انهم يعملو علابيات لهم بس او تناسبهم همه بس براحتهم لكن دا ما يمنعنش ان اللى ناسبهم ناسب غيرهم فى كل حته منها العالم العربى وركبو زيهم
و بعدين معلش يعنى انا هاتكلم على اد فهمى هى بتتحسب ب فيه كام عربيه كذا فى افريقيا افريقيا اللى هيه افقر قاره فى الدنيا اللى مليانه حروب ومجاعات واللى فيها دول تعتبر مصر بكل البؤس والفقر اللى فيها اجدع من امريكا دول بقى هايشترو كاديلاك و اسيا اللى هيه روسيا اللى الازمه الاقتصاديه طاحناها و الصين اللى عددهم معدى المليار دا غير دول جنوب شرق اسيا اللى الواحد هناك بيشتغل فى اال24ساعه 28ساعه عشان 2 دولار فى اليوم والدول المستقله عن الاتحاد السوفيتى البائسه اللى بهربو منها بشر يشتغلو عبيد فى اوروبا دا غير الهند اللى طبعا داخله فى العربيات جديد هيه والصين واليابان اللى مش ناقصه عربيات و اللى برضه شرا العربيات دى هايكون قاصر فيها على الاغنيا فقط يعن الفئه القليله من كل مجتمع او الشريحه الاقل عددا وطبعا عندنا امريكا الجنوبيه الغلابه اللى راحت شركه زى فولكس تفتح عندهم عشان تستغل رخص الايد العامله وتحديدا فى البرازيل و طبعا همه فرحو اوى قالك اهى خطوه تطلعنا من الفقر شويه و امريكا اللى مش ناقصه عربيات وبرضو الاغنيا همه اللى هايشترو و لا يتاع اوروبا اللى هايسيب المرسيدس والبى ام اللى شوفت مواقع عالنت بتبعها بالتقسيط بدون فوايد فى المانيا عشان يشجعو الناس تشترى و يطلعو من الازمه المنيله دى و يروح يشترى كاديلاك اللى كفايه مصروفات نقلها وشحنها طب مانا فى اوروبا ما اركب اوروبى وخلاص ايه لازمتها المستوده دا نا الناس بتسورد من عندى وتركب وانا ماركبش و برضو كل دا هايرجه لحاجتين الفلوس و الذوق يعنى مش هايركب اللى انت بتقول عليهم دول غير الاغنيا واللى عاجبنهم عاجبك مرسيدس براحتك عاجبك كاديلاك براحتك مفيش تاجر بيضرب زبون عشان يشترى دا غير عوامل تانيه مش هاتكلم فيها عشان الوقت و مفيش داعى اساس نقولها دلوقت
وشكرا