[may_moon911]

منورين يا رجاله اسبيرانزا ........ عايزين الناس تصحصح كدا و تفوق معانا

ليه النوم دا

ياللا بينا كل واحد عندو صور لعربيتو مهما كان نوعها A113 او 516 او M11 او M12 ييجي يرفع صورها و كمان اللي عندو اخبار عن العربيه عايز يقولها او يعرف الناس عليها ييجي بردوا مش هنقولو لا

1- اللي معاه صور يرفعها
2- عايز يقولنا كلمه عن عربيتو
3- نقول نفس السؤال المعتاد .. اقصي سرعه + الطريق + الثبات + تكييف \ بدون + الحموله + موديل العربيه و سنه الصنع ... و ليه جريت اصلا عشان تجيب السرعه دي مالها 120 ولا 140
4- لو بعد المده اللي قضيتها مع العربيه هل كنت بردوا هتشتريها .... و ليه ؟ !
------------------------------------------------------------------------
انا هبدا .. 1- عن نفسي معايا M11 و دي صورها

--------------------

---
نفتح الباب بقي و ندخل جوا عشان رجلي وجعتني من الوقفه :wound09:































----------------------------------------------------------

2- العربيه ما شاء الله كل حاجة فيها تمام ما عدا اني ما بعرفش اطلع بيها بسرعه الا لو عليتها شويتين و دا لان جسمها تقيل و صاجها محمل ما شاء الله .. و كمان بتضايقني فالركنه عشان ظهرها عالي حبتين بس بالتعود كل حاجة بتبقي حلوه .. غير كدا ف الحمد لله العربيه تمام جدا

3- اقضي سرعه 130 طريق اسماعيليه الصحراوي و طبعا الثبات مش محتاجه كلام ولا كاني ماشي علي 80 مع اني الطريق زحمه و غرز وحاجات كدا بتاعت ادرينالين .. كنت انا و صاحبي و طول الطريق 110 ما عدا من بعد كوبري كنتاكي خليتها 130 .. التكييف شغااال و مش ماثر ف السحب و كمان الاستهلاك عالكومبيوتر كان 8.9 لكل 100 .. موديل 2012

4- لحد دلوقتي الحمد لله لو كانت قدامي كنت هشتريها و هنصح اي حد يجيبها لانها عربيه فوق الممتازة و احسن من الافيو و الاوبترا و اللانوس و الفيرنا و الصني كمان و اللانسر البومه "دي العربيات اللي كانت تحت ايدي علي طول بس في عربيات تانيه جت و ما سوقتهاش الا مره او مرتين بس " و علي قد ما بتدفع علي اكتر ما بتاخد الحقيقه ... العيب الوحيد يبقي التوكيل لاني حاسسهم مش قد كدا ممكن يكون احساس فردي



انا كدا خلصت دوري ... واحد واحد بقي ف الطابور يا اسبيرانزاوي و كلو يطلع اللي جوااااه

اخوكم الصغير .. أيمــــن