المشاركة الأصلية كتبت بواسطة eman2205
اللى عندى اى استفسار بخصوص التأمين ؟ |
اولاً: اشكرك يا أستاذة / ايمان , على المعلومات الجميلة لان الموضوع فعلاً شاغل نسبة كبيرة من الناس.
ثانياً: لو سمحتى عندى كام سؤال كدة
1- هل نسبة التأمين تكون ثابتة من حيث نوع السيارة حتى لو قيمة التأمين متساوية يعنى مثلاً هل السيارات الالمانى نسبة التأمين تكون مختلفة عن السيارات اليابانية حتى لو سعر السيارتان متساوى ( يعنى على اساس ان الالمانى قطع غيارة اغلى من اليابانى فيمكن تكون نسبة التأمين اعلى ).
2- وسمحينى على السؤال دة لانى بقالى كتير برة مصر ومش عارف اية النظام المتبع , لو انا عامل تأمين على عربيتى شامل وحدث حادث بسيط من طرف شخص اخر يعنى هو المتسبب فى الحادث وقال الكلمة المشهورة فى مصر انة مكنش قصدة ويكون الشخص دة غير مؤامن على سيارتة فما هى الامور التى يجب عليا فعلها فى مثل هذا الموقف هل يجب ابلاغ الشرطة ام اتركة يذهب ومن ثم اذهب الى شركة التأمين وهما سوف يقرروا (تخمين ) اذا كان الحادث منى ام من طرف الغير وعلية يقرروا وهل فى الحالة دى بيكون فيه تحمل عليه بما ان المتسبب فى الحادث غير مؤامن على سيارتة .
3- وعايز اعرف سعر التأمين النهائى بعد كل شئ للسنه الاولى لسيارة سكودا اوكتافيا هاى لاين موديل 2011 سعرها الاصلى 200 الف جنى ( من فضلك عايز اعرف المبلغ اللى المفروض ادفعه السنه الاولى بعد حساب الدمغات والذى منه ).
وفى النهاية أسف جداً على الاطالة وشكراً جزيلاً,,,