كنت بدور علي مكان أقسط منه تقسيط إسلامي يكون فيه طرفين بس البائع و المشتري بدون تدخل من طرف ثالث - كتمويل - زي البنوك كده و من خلال بحثي في المنتدي هنا و اماكن اخري عرفت ان فيه تقسيط اسلامي من خلال رينو مباشرة و بالفعل أتصلت أستفسر : بــ
1- خدمة عملاء رينو : 16202 ( عرفت معلومة ان فية تقسيط لكن ايه تفاصيلة من المكالمة التانية ) .
2- مسئول التقسيط برينو أ/ جمال : 01001133722 .
و نظام التقسيط الإسلامي نقلا عنه كالأتي :
- أقل مقدم و هو 25 % من قيمة السيارة .
- 12 % فايدة من باقي المديونية ( يعني بتتحسب الفايدة علي المبلغ المتبقي من السيارة بعد مابتدفع المقدم ) .
- مافيش تأمينات ( لا عليك ولا علي العربية ) .
- مافيش فايدة علي التأخير في السداد ( يعني لو حضرتك أتأخرت مش هاياخدو منك فلوس زيادة و لكن هايكون فيه إجراءات قانونية ) .
الأوراق المطلوبة :
- صورة البطاقة .
- وصل كهرباء .
- مفردات مرتب ( بحيث يكون دخلك الشهري 3 أضعاف القسط الشهري من العربية )
طيب فيه ناس ممكن دخلهم مايكملش 3 أضعاف.. في الحالة دي ممكن تقدم أكتر من مستند يثبتو ان دخلك فالشهر هايكمل المبلغ ده مثال ( عقد شقه مأجرة بمبلغ كذا + مفردات مرتب بمبلغ كذا ) .
انا الأول كنت هاقسط مع بنك فيصل الإجتماعي بنظام يسمي إسلامي بس اللي عرفته طالما هو لا يمتلك العربية عشان يبعهالك يبقي ربا و احنا في غني اننا نجيب لوجي بالحرام عشان ربنا يسترها علينا بإذن الله .