[سيف الدين سعيد]

المشاركة الأصلية كتبت بواسطة sherifabden والله حاجة حلوة انهم يصنعوا عربية او يجمعوها حتى لكن لازم تكون في جودة في التصنيع والتقفيل وكمان تقديم السيارة بسعر مناسب مش بسعر غالي زي حال معظم السيارات اللي بتتجمع في مصر يعني ماتزيدش عن 50 الف لانها لو زادت عن السعر دا هتبقا في فئة ميتة جدا بالنسبالها (فئة اللوجان والفيرنا واللانوس) وفي نفس الوقت ينزلوها بكماليات محترمة تكييف قوي باور زجاج كهربائي راديو كويس مش ينزلوها فاضية يعني من الاخر يحققوا كلمة ( كماليات محترمة جودة تصنيع بسعر رخيص)

شركة النصر للسيارات تاريخ عريق فى صناعة السيارات فى الشرق الأوسط كله . وتتمتع بالقوه والضخامه والخبره . انما بصراحه يا جماعه وعشان نكون واضحين مع نفسنا وما نضحكش على بعض . ان المصريين ما عندهمش ضمير ولا أمانه فى العمل وعشان كده تدهور حال الشركه ورفضت ادارتها انها تاخذ خطوط الإنتاج للفيات وتطورها كما فعلت الهند وكما فعلت تركيا . طبعا لخراب ذمم مجلس الإداره اللجنه التى شكلت لمعاينة خطوط الإنتاج فى ايطاليا . ولو فحصنا السيارات التى كانت تجمع فى مصر حانلاقى ان سوء الذمه والضمير ظاهر جدا فى التشطيب . فمثلا المسامير والصواميل غير مربوطه بذمه . والطلاء ممكن يكون كاشف أو مسيل بالإضافه لسوء الخامات التى يطلى بها هيكل السياره من الخارج والداخل . وخلاف ذلك من سوء الخام المستخدم فى أجزاء السياره .