انا معارض لاتخفيض الجمارك لأن معنى تخفيض الجمارك ان الغلابة اللي زي حالاتنا هيركبوا سيارات جديدة وجميلة مثل الناس اللي زي حالاتهم هما وهتتساوى الروس وهنبق كلنا ولاد تسعة زينا زيهم
هاقول تاني السيارة الكورولا موديل سنتها 1.8 سي سي سعرها في الخليج يعادل 100 الف جنيه مثلا او أقل قليلا ال 100 الف دول ثمن ايه بالظبط يعني ال 100 الف دول بيروحوا فين انا هاقول لك بياخدهم المصمم اللي صمم شكل السيارة والمخترع اللي اخترع السيارة والمصنع اللي صنع السيارة والمورد اللي ورد السيارة من اليابان للخليج والمستورد في الخليج اللي استورد السيارة والضريبة اللي بتاخدها الدولة الخليجية على السيارة والمعرض اللي هيعرض ويبيع السيارة شوف دول تقريبا كام موظف وكام بيت مفتوح من ال 100 الف جنيه دول
تخيل بق مصر الكريمة بلدنا الحبيبة بتاخد قد دول كلهم مرتان ونصف على الأقل يعني عشان تدخلها مصر لازم تدفع جمارك 250 الف جنيه يعني مصر بتاخد اضعاف الناس دي كلها لمجرد فقط انها توافق لسيادتك ان سيارة سيادتك تمشي على أرضنا المصرية الغالية الحبيبة
يانا يادماغي
