المشاركة الأصلية كتبت بواسطة hakam
بفضل الله عز وجل رزقني الله بسيارة رينو رينبو موديل 97 وفور الشراء كالعادة قال لي الفتايين ليه كده ؟؟؟ حد يجيب رينو وكمان رينبو ؟ دي قطع غيارها ناااااااااار وكمان مش موجوده>>>>>> فتسلل الاحباط إلى قلبي والاكتئاب ايضا
والسيارة مبقتش عايز اركبها وفكرت ابيعها ولو اخسر 5000 جنية ولكن ,,,,,,,, لما بدأت احتاج قطع غيار واسال عن اللي بيشتغلوا فيها وجدت ان في التوفيقية فقط 7 محلات بيشتغلوا في كل حاجتها تقريبا والمفاجأة ان اسعارها تكاد تكون زي الفيات والشاهين واليكم بعض اسعار قطع الغيار ( خلال ابريل 2011):
1- سلك عداد سرعة صناعة تونس 40 جنية
2- بيبة سرعة صناعة تركي 25 جنية
3- فلتر هواء تركي 25 جنية
4- فلتر بنزين بروحين تركي 12 جنية
5- سير تكييف الماني 25 جنية
6- تيل فرامل امامي ايطالي 75 جنية وفي مصري 45 جنية
7- تيل فرامل خلفي ايطالي اواسباني 125جنية
8- 2 مساعدين امامي الماني عالي الجودة 500 جنية وفي مصري وصيني وتركي في حدود 325 الى 475
9- ترموستات حرارة عادة بـ30 جنية وفي بسلك ( نوع مختلف 80 جنية)
10- سير دينامو فرنساوي 25 واتحاد اوربي 15 جنية وصيني 15جنية
*** واليكم مصادر الاسعار وبعض الاماكن التي تبيع قطع الرينبو :ـــ
1- محل اسمه الرضا والنعيم في الدور الثاني بممر التوفيقية وتليفون رقم 25777273 موبيل 0123776686 ودول انا اتعاملت معاهم محترمين جداااااااااااا ولما يكون عندهم شيئ مش موجود يطمنوك ويقولولك انها موجودة في السوق بس مش عندهم وممكن يدلوك تجيبها منين
2- محل جمال البدري 7شارع زكي بالتوفيقية محل رقم 18 تليفون 25752633 ( والحاج جمال صاحب المحل رجل معاملته مقبولة وايضا محترمة) بس عيبه ان لو مفيش حاجة عنده يحسسك انها مش موجودة عشان متسألش عند حد غيرة ودي طبعا مش امانة
3- محل اسمه اسحاق اسكندر في شارع البورصة في التوفيقية بجوار ضرائب الازبكية( ودا انا مشترتش من عنده بس في الحقيقة معاملة ايضا محترمة )
4- محل اسمه فريد ادوارد بجوار الرواس اول شارع رمسيس من ناحية معروف وميدان عبد المنعم رياض(ودا متعاملتش معاه ولا اشتريت منه)
|
بالنسبة للمحلات اللي في التوفيقة: في محل في التوفيقية في سنتر ابو غالي اسمهة محل مدحت وديع بمنتهى الامانة ناس محترمين جدااااااااااااااااا واسعارهم احسن اسعار في السوق وتليفونهم 25757488 ياريت ياجماعة كل اللي محتاج رينو يتعامل معاهم من باب اننا نتعامل مع التاجر الامين لانهم افضل اسعار وكمان الحاجات الصيني اللي عندهم بتكون نمرة 1 يعني اشتري ومتقلقش