[aymanlaw]

ياخبر -- انا مقدرش ازعل حد والله يعلم مقدار احترامى للجميع لأنكم صحبه محترمه وهذا واضح من كتابتكم وردودكم( كل الى الأخر ) واشكركم جميعا -- الأستاذ سيف الدين ود.كمال والأستاذ ابو سلامه والجميع جزيل الشكر واود ان اوضح ان العربيه زى الفل واقسم باالله العظيم هذه السياره مبدئيا من الفئات المحترمه وده لأنى عملت عليها تست تسارع وثبات مالهاش حل مشاء الله --- وبعدين انا حكيت قبل كده عن تجربتى مع السياره الفا روميو 33 موديل 93 وكانت زيرو وجبتها معايا الى بورسعيد من ايطاليا --- والله الجاك تفوق هذه السياره من اوجه كثيره اولها الخامات الداخليه فى السياره لاوجه للمقارنه واظن موديل 93 مش بعيد قوى عن 2010 واذا كنا بنتكلم عن الفا روميو العريقه -- ونأتى للموتور فكان للأسف 1500 ولكن اداء 1100 وكانت حاجه غريبه واتصدمت صدمه كبيره فى هذه السياراه عرفين كانت اثنين كاربراتير وكانت اسلاك البوجيهات كل طرف حوالى 50 س م وكانوا دائما بيسربوا كهرباء العربيه وتجد العربيه كأنها ديره ثلاثه وعماله تترج وصوتها وان كان ده العادى بتعها ولكنه كان زايد عن الحد --- والشىء الذى يكرهك فى كل السيارات هو عندما تقوم بتدوير السياره تأخذ حوالى عشرة ثوانى يعنى لازم تعتل او نقول تتأخر فى التدوير وهذا بصفه دائمه وكأن السياره بارده على طول والشىء المقرف انها كانت بتستهلك مبينه كثيرا والحمد لله انها كان بيركب عليها مبينة الفيات 128 --- وطبعا مش هقولكم فى استهلاك البنزين حاجه زى الفل يعنى كأنك راكب عربيه 8 سلندر يعنى قول سبربان 4 فى4 واشياء كثيره تخليك فعلا تقول ان الصينيين قادمون --- ولكنى وللأمانه عندما اقارنها مع النوبيرا وبلذات التى كانت معى وهى نوبيرا (1) موديل 1997 اجد ان النوبيرا كانت تختلف عنها فى ان عزل السياره كان يتفوق بنسبة 60% عن الجاك يعنى مكنتش اسمع صوت الموتور عالى وانا مقفل العربيه اما العفشه اعتقد وده لسه ميتعرفش بلنسبه للجاك ولكنى اعتقد ان الجاك تكسب ومقدرش اقول حاجه عن اداء الفتيس لأن النوبيرا كانت اوتوماتيك مع العلم اننى سمعت كثيرا عن ان فتيس الدايو المنيوال فيه خشونه اما بلنسبه للجاك حقيقى 10على 10 يسلام لوكانت العربيه دى 1800 مثلا كانت بقت طياره لأن تجميع الفتيس ملوش حل --- احنا عندتا فى بورفؤاد طريق اسمه طريق التفريعه هذا الطريق بيكون فاضى بنسبة 80% طول النهار يعنى تست درايف ميه ميه وبلفعل قمت بعمل التست درايف وفتحت بساتم وجبت على الغيار الثانى 80 وعلى الثالث 130 والرابع ملحقش لأنى جبت الخامس والعربيه كانت دخله على 180 وكان ممكن اقفل العداد ولكنه مينفعش طبعا لأنه كده يبقى افتراء - المهم مشيت على 180 مسافة نقول 16 كيلو رايح جاى يعنى 8 رايح و8 جاى بنفس السرعة -- والأن العربيه وهى على الثانى عيزه تجرى لوحدها يعنى لما بنفل على الثانى مش بدوس بنزين هى بتجرى لوحدها فكرتنى باالأوتوماتيك --- يعنى يجماعه والله العربيه مش مزعلاتى ابدا والا ابقى مجنون لو قلت حاجه ثانيه ولكنى وبكل امانه لازم الاحظ اى شىء مش مريحنى واتبعه والحمد لله لو قلنا ان فى ملاحظات هتكون حاجات عاديه --- ولكن فى المجمل العربيه -- زى مبيقولو ولا كلمه والحمدلله --- واخيرا تحياتى للجميع واشكرهم على مشاعرهم الصادقه -- ويجب ان تفتخروا ان معكم عربيه ذات شخصيه مستقله تنم عن شخصية صاحبها بلفعل والله لوكانت تحمل اسم ماركه مشهوره مكان يكفيها وهى منيوال 120 الف جنيه وانا اعتقد ان سعرها الحقيقى يجب ان يكون على الأقل 96 الف جنيه واتحدى ان يقارن بيها عربيه فى نفس فئتها من الماركات المشهوره ويكون هناك ميزه لأى منهما عن الأخرى وبقولها مره اخرى اتحدى -- والف شكر للجميع