المشاركة الأصلية كتبت بواسطة AlexGirl
ربنا يجازي حضرتك كل خير يارب انا مؤمنة بالقدر والحمد لله وعارفة ومتادة ان كلام حضرتك مظبوط مية في المية وانا بستنى رزقي من عند ربنا وعلى يقين اني مش هاخد غيره
|
بصى يا ستى .. بعد البحث والتحرى لقيت إن بيكانتو بـ 40 ألف هتبقى حالتها واقعة وعايزة شغل ومصاريف ووجع دماغ ولقيت إن الأقرب لبيكانتو (هيونداى i10 - إسبرانزا 113 A ) هيونداى برضه مش هتلاقيها بـ 40 ألف غير حالتها تعبانة ..لكن إسبرانزا ممكن تلاقى منها موديل حديث وبحالة جيدة بالمبلغ دة لكن عيبها الوحيد إنها صينى ...
ونصيحة من أخ أكبر ...
1- إنك لو هتشترى بيكانتو أو هيونداى i10 يبقى لازم تزودى المبلغ شوية علشان تلاقى حاجة نضيفة أو تشترى إسبرانزا 113a
2- إنك تشترى حاجة زيرو من المعرض رأساً وتكونى أول إيد تلمسها بحيث تدفعى المبلغ إللى معاكى مقدم والباقى بالتقسيط ...أو تشترى حاجة جديدة سعرها فى حدود من 40 إلى 50 ألف ...هتلاقى أشكال جديدة فى السيزوكى آلتو أوالفيات أونو ...الموديلات الحديثة شكلها حلو ...
........
أنا مش عاوز اجيبلك إحباط ..لكن مش عايزك تدبسى فى حاجة مضروبة ...والحل هو إنك تشترى جديد بالتقسيط أوتحاولى تزودى المبلغ شوية لو مصممة على بيكانتو ..أو تفكرى فى أنواع تانية ..... أو تصبرى شوية لغاية ما أجيبلك حاجة حلوة ..والله الموفق