السلام عليكم الحقيقة انا اللى خلانى اعلق كلمة الاستاذ هشام ( هى مكيفة ولا ايه ) تعليقا على سعر ال 15 باكو . يااستاذى الفاضل انا معايا ماتريكس جايبها زيرو ومعايا 127 جايبها ب ( امسك اعصابك ) ب 21000 وبحبها اكتر من الماتريكس . اما عن ارتفاع سعرها فببساطة لانها فابريكة بره وجوه على حالتهاتابلوه بتاعها ,الفرش الاصلى و بمشى بيها على 110 عادى خالص طبعا انا شفت حاجات ب 10 و12 الف بس فرق شاسع زى مانت قلت بيبقى فىها شروخات ولحامات فى الشاسيه الخ يكفى انى بحط المفتاح وادور وامشى ويادوب غيار الزيت .الحاجة الوحيدة اللى عطلانة فيها كانت كمبيوتر الاعطال وبخاخ المياه بتاع المساحات . نسيت اقول حاجة بعد ماشتريتها بفترة شفت واحدة (127) ب 30 الف ايوه ب 30 الف وسقتها لفة ببساطة كانت كأنها خارجة من المصنع حالا كانت ماشية 800 كيلو واترفعت وشكرا
|
الف مبروك تدوبها ف الخير
ال127 بتبدأ من 8 الاف لو حالتها كويسة
15 الف دى لو مكيفة ومفيهاش غلطة
|
الاستاذ هشام بيقول الـ 127 اللى بـ 15000 المفروض مفيهاش غلطه (يعنى عالأقل مش محتاجه أى مصاريف وقت الشراء) و حالتها ممتازة عفشة و مكنه و دهان و فرش و .... >>> و أنا أؤيد الكلام ده و بشده
حضرتك جبتها بـ 21000 ربنا يباركلك فيها, بس تأكد انها هتفضل ليك و ربنا يمتعك بيها
لإنك لو فكرت تبيعها هتخسر كتيييير, سوق العربيات فى مصر مبيعرفش يقدر حاجه و كله بيشترى فى حدود سعر معين, لو زاد تلاقيه ينقل على حاجه أعلى (يعنى الـ 21000 يجيبو أونو أو مازدا 323 أو لادا 2107 أو ماروتى 2000 ....) كل دى عربيات أقوى أو أحدث من الـ 127, طيب ليه أدفعهم فى 127 حتى لو لسه خارجه من المصنع !!!
هيا طبعاً وجهات نظر, و ربنا يباركلك فيها
=======================
بالنسبة لصاحبة الموضوع
كل اللى غيرتيه ده بيتغير بشكل دورى, عادى جداً (ماعدا الفرامل الخلفى و المساعد )
اكشفى على الشاسية عند سمكرى محترم و عنده أمانه, و بعدين عفشجى يطمئن على الكبالن و الميزان و .... (يبص عالعفشة كلها علشان الإتزان) , لو شغل السمكرى و العفشجى صح , مش هتحتاجى ضبط زوايا و اتزان و العربية هتتضبط.