بسم الله الرحمن الرحيم
كل سنة وانتم طيبين بمناسبة عيد الاضحى المبارك
أعاده الله عليكم وعلى الاسرة الكريمة بالخير واليمن والبركات
انا بعيد عنكم من فترة طويلة يمكن تعدت السنة كاملة
لما دخلت اتصفح المنتدى وجدت ان مفيش حد وصل للـ 100 الف كيلو مع اللوجان
ووجدت البعض يتسائل عن احوالها بعد 100 الف
مبدئيا انا تحت امركم فى كل التساؤلات بس هضيف لكم بعض الانطباعات والامور الخاصة بالسيارة خاصة فى الشهور الاخيرة
سيارتى موديل 2010 فول اوبشن ترخيص مارس 2010
واللوجان الان 103 الف كيلو
قطع الغيار التى تم تغييرها حتى الان :
تم تغييره عند 44 الف والثانية من اسبوعين بس نوع سيئ وفى احتمال انى اغيره واركب واحد جديد
غيرته مرة واحدة عند 25 الف كيلو
اكتشفت عيبه عند 77 الف تقريبا ومشيت حوالى 20 الف كيلو أو اكثر بقليل بالكوبلن الشمال وهو تعبان وتم تصليحه فى صقر قريش لكن رجع لحالته القديمة بعد يومين فقط ونظرا لأن الصنايعى قاللى ان الكوبلن ده ممكن تمشى بيه لحد ما الكوبلن يعمل صوت عالى زى كارونة الفيات القديمة فمشيت بيها بالفعل واستحملتنى والصوت معليش وسافرت بيها حوالى 3 مرات لاسكندرية بدون أدنى مشكلة لحد ما غيرته ووقتها فوجئت ان المساعدين الشمال ضرب
ماشى بيه بقالى شهرين والمفروض هغيره بعد العيد مباشرة .. ولا انصح بالمشى بمساعدين ضارب زيت لان العربية بتتعب مع المطبات خصوصا المطبات الضخمة ولولا قلة الماديات كنت غيرته فورا
غيرتها عند 90 الف بعد ما فرقعت .. الاول طلعت ريحة كلب ميت وكانت الريحة لا يمكن تصديقها وكنت متخيل ان العيب من بره العربية لكن لما الريحة فضلت اكتر من ساعة تروح وتيجى وعلى ما روحت البيت ولقيت الشارع كله رحته زفت عرفت ان العيب من العربية ولما بطلتها مردتش تدور تانى وغيرت البطارية
غيرته مرتين الاولى عند 44 والتانية عند 85 لانى مبحبش اصبر على الكاوتش ولازم اغيره لما يجى وقته خصوصا لو كانت الخروم كتير
تم تغييرها من اسبوعين مع التيل الامامى ووقتها كانت 100 الف تقريبا
من يوم ما بطلت اعمل صيانة فى التوكيل وكل يوم أداءه بيضعف وشكله عاوز يتعمله صيانة
الماتور والريداتير وخلافه
كله تمام الحمد لله وبغير زيت توتال 5000 كل 9 الاف كيلو تقريبا وفى كل مرة الزيت بينزل زى الفل وكأنه جديد .. ومن شهر العربية عطلت منى وسخنت وده كان بسبب صدى بماسورة حرف تى اتخرمت وغيرتها وبعدها بأيام اتقطع واير الدبرياج وغيرته
اللوجان لما قربت على الـ 100 فتحت بقها وكل شوية محتاجة شئ جديد يتغير بس كل اللى غيرته كان سوء استخدام او ده عمرها الافتراضى
وقريت ان فى حاجة اسمها ثروتل بادى المفروض بتتغير بعد 70 الف ديه بقى معرفش هى ايه اصلا
وبالنسبة للعربية ففيها شوية خبطات ونقرات وخدوش ومش عاوز اعملها سمركة ودوكو الان وسايبها لحد ما تتبهدل اكتر 
بالنسبة لثبات العربية واتزانها وموتورها فكله زى الفل وكأنها زيرو
والعفشة عاوزه كشف عليها فربما تكون محتاجة قطع غيار جديدة