|
تقرير مفصل عن الكليو
التقييم المطلوب عن الكليو انا عن نفسى مجربتش من الكليو غير موديلين 2001(اللى كانت بتنزل للمخابرات ودى كانت 1200cc وموديل 2003 وده اول الشكل الجديد اللى اغير فيه حاجات برضه سنه ودى كانت 1400cc2005)
واللى اقدر اقيمها هى ال2003
اولا:العربيه مش ضيقه اوى زى ما ممكن تتخيل وانت واقف بره
ثانيا العربيه عاليه عن الارض الا اننا جربناها فى الثبات وكانت رائعه لحد ال140 ومزودناش عن كده
ثالثا العربيه سحبها كويس جدا وفى نفس الوقت موفره جدا فى استهلاك البنزين يعنى خدت منا حوالى 14لتر من القاهره لاسكندريه بالتكييف والعربيه كانت محمله وهو ده الطريق اللى كنا ماشيين عليه 140
رابعا بالنسبه لقطع الغيار فهى متوفر وموجوده فى كل حته بره التوكيل واسعار قطع الغيار كويسه مش غاليه يعنى فى المتوسط وعمرها الافتراضى طبعا اكبر من الكورى واليابانى كمان
نيجى بقى للمواصفات الفنيه
الموتور 1400cc
88حصان
باور هايدروليك(زيت)
تكييف
سنتر لوك
زجاج كهربائى
فوجات
هى دى المواصفات بتاعت ال2003
مواصفات ال2008 كنت قولتها فى موضوع تانى
بالنسبه لموضوع العيوب بصراحه هى الكليو مالهاش عيب محدد مشهوره بيه عشان اذكره
وسعر ال2003 بيتراوح ما بين 43 الف الى 50 الف حسب الحاله
وال2008 تمنها زيرو حجز 74000
ارجو انى اكون وضحت تقييمى للعربيه ولو فيه اى استفسارت تانى انا موجود بأذن الله
__________________
انتظروا تجربتى مع رينو فلوانس
|