[Sky_Rider]

المشاركة الأصلية كتبت بواسطة ayman yusef كلام جميا وشكل العربية تمام... بس ماحدش خد بالة ان الموديل ده زي ما العضو قا ل 2010 وهوه ده اللي حيتصنع في مصر ؟؟؟؟ طيب ازاي واحنا خلاص 2013 على الباب وبعدين التصنيع ده لازم يكون up to date مش كدة ولا ايه وبعدين مش حنبطل نطلب كمليات اقل اللي نازلة في مصر؟ الكاسيت العادي بنزل مع ان في الصين فيه gpsوشاشة تاتش حيفرق معاهم ايه؟ ماتنسوش ان اسبرانزا نازلة بجير اوتو من 2007 وابو الفتوح لسة بيخمنا بعربيتو العيب في المستوردين مش في الصين كان المفروض المصنع لما ياخد ترخيص يسالوا موديل كام مش يجيب اللي الخردة ويعملها ظيطة في الجرايد حسبي الله ونعم الوكيل

تحية لك يا استاذ ايمن ...
في شوية نقط عاوزاشرحهم لحضرتك ... اي شركة منتجة للسيارات في الدنيا بتعمل حاجة اسمها Trim لكل موديل .. فروقات في الكماليات بفروقات في السعر على حسب احتياجات العملاء ..
وده موجود في الامجراند برضو ... بتوع بحوث التسويق بيدرسو السوق و يشوفو ايه اكثر Trim مطلوب في السوق من حيث الكماليات و الامكانيات .. وده بيحددو عليه شريحة العملاء المرتقبين من حيث القوة الشرائية في الفئات السعرية المحددة للسيارة .. و واعتبارات اخرى اقتصادية و تنافسية كثيييييير .. كانو ممكن ينزلو ال 1800 سي سي .. اعلى فئة بس تفتكر كان سعرها هيبقى كام ساعتها .. و مين هياخد قرار انه يدفع فوق التسعين الف في عربية صيني تجميع محلي 1800 و لسة محدش شافها ولا يعرف عنها حاجة ... مش منطقي .. ... .. على فكرة العربية كاملة من كله .. ما عدا ال GPS .. متقيسش على انك بتقدر تتعامل مع GPS بسهولة ..في ناس غيرك ممكن يركبو العربية ديه و بالعافية بيستخدمو الموبايل ( بالعربي) وده مش ذنبهم ( ملقوش لا تعليم و لا تدريب على التعامل مع التكنولوجيا زي بقية الدنيا ) .. على فكرة ال GPS كان ممنوع في مصر من قبل حكومة حسني .. كان له مزاج يخلي الناس تايهة على طول ..من ثلاث سنوات تقريبا مارست شركة نوكيا و اتش تي سي و سوني ضغوط قوية على الحكومة علشان تسمح بيه .. لان كل الموبايلات السمارت فيها GPS من اربع سنين.. والوكلاء كانو بضطرو لايقاف برنامج ال GPS قبل ما يتباع للعميل ... يشتريه العميل و ينزل سوفتوير من على النت و يشغله .. بحركة بسيطة .. فبقى ممنوع و موجود و الوكيل بيتفرج على التهريج ده ( حاجة تجيب تخلف ) .. بس الحمد لله .. سمحوا لنا به اخيرا ... وبالاضافة ان العربية تجميع محلي دفعهم الى ان الانتاج يكون نمطي .. ب TRIM واحد اللي هو موجود ده .. عشان مسائل كثير معقدة يطول شرحها في عملية الانتاج و التجميع و البيع و خدمات ما بعد البيع .. غبور قرر انه يصنعها في مصرمن 2010 .. و خطوط الانتاج و التجميع اتعملت على موديل السنة بتاعتها .. بس الشركة الام في الصين غيرت شكل و فينيش التابلوه في 2012 .. ومرة في الهاي لاين 2013 .. وعشان يعدلو ده في خط التجميع في مصر قبل ما حتى يسلمو اول دفعة امر غير منطقي ... لانه معقد كما شرحت .. ممكن ده يحصل بس مش دلوقتي خالص ... و بالنسبة لل GPS .. تقدر تشتريه منفرد .. بتاعها متفصل ليها.. يا اما من خلال الوكيل ( و ساعتها هيدلعك في السعر اكيد ) .. او تشتريه اون لاين ب 300 $ و تستلمة و تركبة .. انا عن نفسي هشتريه اون لاين .. او لو حد معرفة بيسافر الصين هخليه يجبهولي معاه .. و مش بعيد اصلا تجار قطع الغيار يستوردو كميات منه لو لقو عليه طلب جامد و العربية منتشرة ...
اتمنى ان اكون اوضحت ليك بعض النقاط