[waelbaha]

المشاركة الأصلية كتبت بواسطة aymangalal تمام ياريس اهم بداية هو المكان لكن مش شرط يكون على شارع عمومى او فى حته فيها رجل لان دايما فى المجالات الخدمية... العميل هو اللى بيروح لها حتى لو بدروم المهم المساحة تكون كويسة وقابله للتوسع والتطوير ان شاء الله طبعا التفاصيل مش عارفها قوى لكن نفكر مع بعض مكان للادارة -حجرة (مخزن) (خامات مستلزمات الغسيل) - مكان لاستيعاب سيارتين معا (غسيل سيارتين او اكتر فى وقت واحد ) طبعا الغسيل هايختلف من بودى - صالون- شاسية -حوض و موتور - وماتنساش التلميع والتشميع (مهم قوى ده ) التكلفة كلها مبدئيا هاتكون فى المكان وتجهيزاته لانك هاتحتاج ضغط ميه عالى وتقسيم صرف كويس والكوريك التمساح الى بيرفع العربية عشان غسيل الشاسية كل خامات الشغل مش هاتكون مكلفة ولا حاجه لان المشروع ده بيعتمد فى المقام الاول والاخير على مستوى الخدمة وتقديم افضل ما يكون (معنويا قبل كل شىء) لراحة العميل مع شوية حزم منك فى الادارة - عروض وتخفيضات وهدايا - مكان معقول لانتظار العملاء (ويكون فيه بويلر ميه او سخان لزوم الشاى والقهوه وشوية حاجه ساقعة وعصير باختصار مينى بوفيه وحته تليفزيون جميل كده وتكييف) هتلاقى الزبون يجيلك عشان يشرب ويتفرج ع التليفزيون ويقعد فى التكييف لغاية ما عربيته تخلص وياخد معطر مجانا وشغل 10÷10 وبسعر ماحصلش .... ايه الحلاوه دى؟؟؟؟؟؟ هههههههههههههههههههههه شوفت بقى التفكير بيوصلنا لايه ....؟؟؟؟؟؟ معلش انا بفكر معاك كأخ او صديق مش صاحب خبره لكنه فكره منى على فكره منك واحتمال برضه مواجهة اى عقبات او حاجات ماكناش نعرفها لازم نفكر هانتعامل معاها ازاى وان شاء الله نتابع معاك لغاية ما نيجى نباركلك على الافتتاح

اخي العزيز ايمن
كلامك رائع وافكارك جديده ومحترمه جدا
اشكرك عليها ويشرفني مساعدتك ليا في التفكير