[الهولندى الطائر]

فى دولة متقدمة وفيها نظام واحترام

هو يقعد فى بيتهم وما يشوفشى الرخصة تانى الا بعد مدة واختبار قيادة من اول و جديد

لكن حضرتك اشتريت عربية وبتسوق فى سيرك قومى اسمه شوارع مصر

نظرية اخترعها العبد لله

ولما بعلم حد السواقة بقوله شوف

انت دلوقتى بقيت متمكن

النهاردة بقى هعلمك درس جديد اسمه 4 حمير

الغلط مش هيحصل مش هيكون غلطك هيكون غلط اللى قدامك


الراجل او اللى بتتعلم تستغرب

ايه نظرية ال 4 حمير



النظرية ببساطة

ان الغلط مش هيبقى غلطك

هتبقى سايق صح وتلاقى واحد طلعك من اى جنب وخبطك لان عنده مشكلة

ممكن يكون متعلم جديد

ممكن يكون واحدة ست

ممكن يكون خد قرار متسرع

ممكن يكون واحد عقله تعبان

ممكن يكون واحد اهوج

الف احتمال واحتمال

نظرية ال 4 حمير لو اتعلمتها صح اضمنك على الاقل تخرج بكسور وكدمات فقط

انما لو فهمتش كلامى هتتعب قوى فى شوارع مصر


تخيل انك ماشى تمام بس حواليك 4 حمير يعنى 4 عربيات سايقينهم 4 حمير فرضا
( مع احترامى كل حمير مصر اللى شغالة فى الحمل والجر وبتخدم الفلاح المصرى )




وانت ماشى فى النصف

لازم تخلى بالك من 4 حمير

حمار قدامك ممكن يفرمل على غفلة

حمار وراك ممكن يلبس فيك

وحمار جمبك معدى بسرعة من اليمين غلط

وحمار شمالك عمال يديلك تلاكسات عايز يطلع منك

بالطريقة دى حط عينك فى راسك

وفتح عينيك

واهرب وزوغ لو لقيت واحد منهم عقاله فلت عليك

والحمد لله

النظرية كل يوم من 11 سنة عدت بتثبت انها صح للى علمتهاله

مش عيب انك تهرب بجسم العربية ومش عيب انك تموج علشان تفادى حمار كبس غلط

العيب انك تمشى وتعتقد ان اللى ورا الطارة ( واحد بيفهم )

لان فى الغالب هيطلع عندك 2 او 3 سلام والخطر هيبقى فى الرابع

وربنا يسلم ويستر علينا

وربنا يبارك فى ادارة المرور اللى بتاخد 200 جنيه وتطلع رخصة لواحد ما راحشى المرور ولا امتحن
وبتطلع رخصة لواحد تانى ب 150 جنيه وهو مش بيعرف يسوق ووقع كل الاقماع

وبتطلع رخصة لواحد تالت بالتليفون علشان قريبه كاظم باشا

وسلملى على الحاجة نوسة ملكة التوك توك والميكروباص وتاكسى العاصمة

مع خالص احترامى لكل السواقين المحترمين والناس المهذبة اللى هم الشريحة العريضة من الشعب المصرى - انما البقية المسيئة أقليه لكن فى ازدياد يوم بعد يوم )