[ahmed_kamel]

لازم من تدخل من مستويات أعلى
بمعنى وزارة الخارجيه والسفاره المصريه المهانه في تلك البلاد ,,,,, للأسف ماناش تمن إحنا يامصريين بسبب بلادنا دايما في حالة مططاطيه مش فاهم ليه
ده لو حد غلط غلطه نص كم مع مواطن زي مابيقولوا على نفسهم في بلادهم تبقى وقعته سوده لو إشتكى ويقفوا بجانب المواطن حتى لو على باطل المهم ينصروه على الغريب إلا لوك كان أجنبي بمعنى إنجليزي أمريكاني كده يعني اليلاد اللي الانسان فيها ليه تمن فساعتها محدش يقدر يفتح بقه معاهم عشان بيخافوا يعملوا أي حاجه فيهم مش حاقولك وزارات الاجانب هيه اللي حتتدخل ده سفاراتهم هيه اللي بتدخل وبتعرف تجيب حقهم تالت ومتلت

أما هنا عندنا في مصر لو داخل القسم إنت وواحد عربي يتم نصر العربي عليك عشان هوه ضيف ....شوف الأدب

ياجماعه محدش حيحترمنا طول ما الهيئات التي تمثلنا بالخارج لاتحترمنا شخصيا
فالسفاره المصريه في أي بلد موجوده عشان أهم حاجه وهي جمع العمله الصعبه من خلال رسوم تسجيل رسوم إصدار جوازات سفر كده يعني حاجه بتجيب فلوس مش أكتر

ياجماعه ساويرس لما إتخطفله مهندسين في العراق وإتطلب منه فديه
الراجل لم يتأخر وإتصل يمين وشمال ورجع رجالته بسلام (ولع في الدنيا عشانهم) ولما كان بيحكي الحكايه الراجل دمع بعينيه لأن كان حاسس إن دول رجالته وهما مسؤليين منه فإزاي يحصلهم كده وهو موجود
شفتوه الناس لما بتحس بمسؤليتها تجاه أفراد شركاتهم

ياريت يكون عند الحكومه نفس الإحساس بأولادها بالخارج


ياجماعه معلش أنا عمال أفتكر حاجات حصلت وببكي على ماوصلنا إليه
الممرضات بتوع بلغاريا ولا النرويج حاجه كده اللي حقنوا الناس بالإيدز في ليبيا وإتقبض عليهم وإتحكم عليهم بالإعدام مرتين وبسبب ضغط حكوماتهم على ليبيا تم العفو عنهم بأمر من القذافي ودول بقه معترفين بعملتهم السوده وده مخطط يعتبر إرهابي زيه زي أي عمليه إرهابيه ومع إنهم يستاهلوا الشنق ستين مليون مره لكن حكوماتهم قدرت تضغط لحد ماخرجتهم


أنا خلاص زهقت من قلة إحترام الغير لينا بالمنظر ده
خلي اللي عمل الموضوع بتاع الدكاتره المصريين دول أمريكان وكمان كانوا متأكدين وبالفعل عملوا اللي بيتكلموا فيه ده ............. تفتكر القاضي يقدر يحكم عليهم بحاجه
تفتكر ممكن حد يمد إيده عليهم في قسم الشرطه ويتمضوا على إعترافات
تفتكر كان ممكن حد يقدر يتف عليه ويشتمه بأبويه
تفتكر.....تفتكر....تفتكر

ربنا يصبرنا
ربنا يفك زنقتهم ويفرج عليهم كربهم