[akefpop]

المشاركة الأصلية كتبت بواسطة AboNoRa ايوه طبعا حنان الام برضو ده على اساس ان المجلس نفسة اللى سمح بتكوين احزاب دينية لا علاقة لها بالسياسة ولا خبرة لها بها بالعكس كانت بتكفرها اصلا زى حزب النور وحزب الجماعة الاسلامية هو هو المجلس اللى اتفاجىء ياعينى ان الاسلاميين سيطرو على الساحة السياسية ؟؟ وده برضو على اساس ان المجلس مبيهفمش سياسة ومبيفهمش فى طبيعة شعبة ومبيقراش حتى جرايد ولا مقالات ولا تحليلات قبل الانتخابات بشهور بتقول ان التيار الاسلامى وتحديداً الاخوان والسلفيين هم المرشحين الاكثر حظوة وتفضيلاً عند قطاعات الشعب الاعم اما لو كان المجلس بيفهم وقارى وشايف ومخطط يبقى كان واجب عليه يطرح الاختراع اسمو ايه ده فى خارطة الطريق من البداية وقبل الانتخابات حتى تفتكر حضرتك هو اتفاجىء فقرر كده ولا كان عارف بس مدكن

الاقصاء مش هو الحل فالمرحله دى
اظن كلنا نزلنا يوم 29/7 وعرفنا مين هم السلفيين فالوقت اللى الليبراليين بكل احزابهم وتوجهاتهم من شيوعيين واشتراكيين وناصريين وعلمانيين معرفوش على مدار 9 شهور يجمعوا 1/10 من اللى حشده السلفيين فايام قلائل مما جعلهم يلجأون الى البلطجه السياسيه عندما احسوا بضعف موقفهم باغلاق الميدان وافتعال المشاكل واعتصامات واضرابات مما زاد فى كراهية الشعب لكل من ينتمى للتحرير من الليبراليين وده طبعا طلع كله فالانتخابات فجاءت النتيجه بهذا الشكل
ومن هنا ادرك المجلس العسكرى انه لازم يتم اخراج هذا الحشد السلفى فى صورة حزب يعبر عن قوة موجوده بالفعل فالشارع ومن هنا كان حزب النور والاصاله
انما مش معنى انه وافق على انشاء احزاب للسلفيين حتى يتفادى الصدام معهم انه يترك لهم الساحه خاليه فالغرب قبل بالاخوان المسلمين على مضض الا ان الغرب لن يقبل باى حال ان يكون للسلفيين الدور الغالب فالبرلمان القادم ممثلا فى حزب النور
لو الجيش عايز السلطه مكانش عمل الانتخابات من الاساس او افتعل اى احداث لتاجيلها انما هو بعد الانتخابات موقفه اضعف كتير لان الشعب قال كلمته بالانتخابات .. الموضوع انه خايف من صعود تيار متشدد ينفرد بوضع الدستور وده طبعا هياثر فالاخر على الجيش كمؤسسه لان لو لا قدر الله اتورطنا فحرب ولا فنزاعات طائفيه ولا فى محاولة تقسيم الجيش هو اللى هيشيل الليله كلها