[hazem_khidr]

باشا اكيد قطع الغيار لموديل جديد زى السيمبول هتحس انها غاليه بس بصراحه كله بقى غالى لما اركب عربيه كورى ولا صينى والاقى نفسى بدفع نفس الفلوس يبقى انا استفدت ايه سهوله فى البيع قدام عمر اطول كفاءه اعلى قطع غيار معمره اكتر وبطبيعه الحال اسم اقوى واعرق

ازاي الكلام دا يا بوب ؟؟
اولا الكوري بيتفوق علي الرينو سيمبول لسبب بسيط
ان الرينو سيمبول دي عربيه تركي و مجمعه لدول العالم التالت .
يعني لا تمت لرينو فرنسا بصله و لو حبيت تجيب عربيه من نفس الفئه من رينو فرنسا حتدفع فيها ضعف
اللي بتدفعه في السيمبول و برضه اعتماديتها مشكوك فيها لما بها من تكنولوجيا عاليه جدا .
يعني من الاخر كده الكوري افضل منها ميت مره من الخامات و التكنولوجيا و ما الي ذلك .

انا بصراحه مسوقتش غير الكليو لكن على المكتوب عنها فى موقع رينو هى نفس موتور الكليو ال1400 98 حصان مع شويه تعديلات بسيطه

و هيا العربيه موتور بس؟؟؟
هو اي موتور اخده من اي عربيه اركبه علي عربيه تانيه لمجرد انه موتور محترم يبقي كويس عليها!!!
مش كل عربيه بيبقي ليها وزن و مقاسات و بيتصمم الموتور علي مقاس العربيه و حجمها علشان يدي اداء كويس
حتي لو فرضنا انه موتور الكليو مع تعديلات بسيطه
يا تري الموتور دا اتصنع فين؟؟
في تركيا اكيد مش في فرنسا
طب انت حتجيب الموتور التركي للموتور الفرنساوي من حيث الخامات و نسب المعادن اللي في السبايك
و قوه التحمل و و و و و
يوووووووه دا موال طويل لان دا موتور عربيه مش لعبه

برضه نفس عفشه الكليو فانا شايف انها عربيه محترمه وحضرتك بتقول انك جربت الكليو اكيد حسيت بفرق رهيب بينها وبين اى حاجه كوري

و هيا عفشه الكليو يعني كويسه اوي .
و نفس الكلام حقوله يا تري اي عفشه بشيلها من عربيه بحطها في عربيه تانيه حتديني نفس الاداء في العربيه التانيه و هيا اساسا متصممه لعربيه معينه؟؟!!!!!!!!!!!
سيبك من دا كله
يا تري السيمبول بقي خدت عيوب الكهربا اللي موجوده في شقيقتها الكليو ولا لاء؟؟
اصل العربيه مع واحد صاحبي و فصلت مره واحده و وداها التوكيل و قالوله مش عارفين نوصل للعيب !!!!

و اخيرا انا لا راكب كوري علشان ابقي متحيز ولا راكب فرنساوي و قرفان منه علشان اهاجمه
انا كلامي من خلال تجربتي لكل الانواع دي