ثقب اسفل التنك و صيانة غبور مكسلين يكشفوا عليها و انا مازلت فى الضمان!!
معى النترا 2011 اوتوماتك الشكل القديم مازالت فى الضمان - منتظمة فى مواعيد الصيانة فى صيانة غبور - و لم تتعدى ال 13000 كيلو .
لاحظت انها غير موفرة فى البنزين كما قيل لى و العربية مش ناعمة بالدرجة المخيفة اللى ذكرها الكثيرين - و قيل لى بعد التليين استهلاك البنزين ها يكون ممتاز و لكن لم اجد فرق-
المهم ذهبت الى االتوكيل 3 او 4 مرات بداية من ال 5000 كيلو و كنت كل مرة اذكر ان السيارة سحبها مش قوى و فيها صوت باسمعه فى لحظة لف الدركسيون على الهادى جدا سواء و انا بأتوقف او و انا ب أبدأ التحرك و ك مرة التوكيل يقوللى زى الفل مافيش حاجة .
اخر مرة كان فى اول اسبوع من يناير 2013 لان فى لحظة التفويل عامل البنزين لاحظ ان فيه تنقيط اسفل التنك لحظة ضغط مسدس البنزين و طبعا لم انتظر و ذهبت فى نفس الاسبوع الى التوكيل و كنت اجلس ارى السيارة من الاستراحة و جلست حوالى 3 ساعات تخللهم استراحة صلاة الجمعة و صدقونى منذ ان دخلت السيارة و رفعها لم ارى عامل يكشف علي التنك او غيره - و على الرغم من كده عند استلام السيارة صدقت عندما قالو لى السيارة زى الفل و مافيهاش حاجة و لما قلت للمهندس انى انا شفت بعينى التنقيط اللى حصل فى المحطة - لقيته بيرد بكل ثقة كشفوا عليها بالسكانر و زى الفل مافيهاش حاجة !
بعدها باسبوع رحت املا بنزين و قلت للعامل ان يلاحظ عما اذا هنا تنقيط و بالفعل كان هناك تنقيط شديد لحظة الضخ بالمسدس و و حتى العامل رفض التفويل لان نصه اللى فولته كان بينزل على الارض و طلبت من العامل لصق علامة بجانب الثقب - وصلت لرقم تليفون المهندس اللى كان قاللى زى الفل و قلتله و كان رده بكل ثقة العربية تم الكشف عليها و لم يكن فيها شىء - طبعا رديت عليه ان المفروض صيانة غبور هى اللى تعرف الاعطال مش عامل البنزين و انا كنت اثق فيه صيانة غبور و لكن الله و اعلم ايه تانى مستخبى و بعدها قاللى ان اذهب اى وقت لان كانت مواعيدهم انتهت فى هذا اليوم ---- من فضلكم يا اهل الخبرة قولولى اعمل ايه بالضبط هل اذهب لنفس المهندس ام اذهب فى يوم اخر ليراها احد اخر غيرة - هل هذا تبع الضمان - ها اتقدم بشكوى فى اى مكان - اعرف منين اذا كان فيه اعطال تانى فى العربية ؟ اطمن ازاى على العربية ؟؟ مع العلم شهور و ينتهى الضمان --- لكم خالص الشكر
|