الف حمد الله علي السلامه , و ربنا يستر طريقنا و يوقف لنا ولاد الحلال
موقف شبيه من سنه اول ما جبت عربيتي , و فوق كوبري كفر الزيات علي الزراعي و العربيه فصلت و بطلت و حلفت ما تدور .؟.
واحد بتاع تكتك الله يبارك له و يكرمه وقف من نفسه و فكرناها قطعت بنزين و كان معاه قزازه بنزين و زودنا و دور , مردتش تدور .
المهم زقناها طلعناها من الكوبري و الزحمه , مفيش 5 دقائق لقيت لانوس ركنت ورايا و نزل منها واحد باشبهه عليه و شكله مألوف , خير يا دوكتور .؟.
دكتور , المهم طلع من منطقتنا و دخلي الصيدليه قبل كدا , المهم عمل اتصالاته بميكانيكي و كهربائي من كفر الزيات كان لسه بيعمل شغل عندهم و مروح , الصنايعيه مفيش 5 دقائق كانوا موجودين , المهم طلع في الاخر فيوز بتاع طرمبه البنزين و مخدتش منهم 5 دقائق و كانت العربيه دايره , و اتحركت انا و الراجل المعرفه و استمر معايا لحد ما وصلنا المنطقه اللي احنا منها , و بقيت معرفه خير ...
اسف للاطاله , بس حبيت اشارك تجربتي معاكم و حمد الله علي السلامه مره تانيه ا. سيف و شكر خاص للدكتور كمال ربنا يبارك لنا جميعا .
