انا ابيزا 94 و هي كلها مكونات فولكس فاجن الماني (شاسيه موتور عفشه فتيس)
الابيزا بصراحة عربية ممتازة و معمرة 400 الف كيلو و هي كملتهم امبارح بالفعل و عدتهم النهاردة 400 الف و 100 كيلو :D:D:D
الاعطال اللي حصلت خلال ال15 سنة دول اعطال بسيطة غير جوهرية وكانت كالاتي:
طرمبه الميه اتغيرت مرة واحدة بتاعت الفابريقة اعدت حوالي 7 سنين و اتغيرت و ما زالت شغاله حتي الان
مساعدين ادام بقت خفيفة و العربية وطيت من ادام علي 275 الف كيلو و السوست الحمد لله فابريقة الاربع سوست و المساعدين اللي ورا فابريقة و الحمد لله
علبة الشكمان من سنة بظبط بقت مكتومه الرصاص اللي جواها ده اتكتل لحد ما خلاها مخنوقه و الخرج مش طالع كويس الحل:وديتها لواحد بتاع شكمانات فك اللحام بتاعها و نزلها و قطع حته صاج كده صغيرة منها و نفضها و غسلها بالبنزين من جوا و لحم حته الصاج تاني و رجعت زي الفل
بلي عجل ادام بتاع الفابريقه اعد 386 الف كيلو بظبط و غيرناه من حوالي 8 شهور
راسين كوبلن الجزء الخارجي بتوع الفابريقه اعدوا 390 الف كيلو لسه مغيرهم من 10 الاف و 100 كيلو تحديدا
علبة دركسيون الفابريقة اتشالت مع المساعدين 275 الف كيلو و اللي اتحطت بدل بتاعت الفابريقه اعدت 3 سنين و شلتها مع الكبالن و حطيت واحدة مايلي الماني اصلية لان اللي اتحطت بدل بتاعه الفابريقة كانت اسباني
بس هذا فقط بجانب الفوانيس و الاكصدامات و حاجات خفيفه كده بس النهاردة احنا حاطين علايتين ورا غيرت العلايه اليمين النهاردة مقاس 24 بالمناسبة