المشاركة الأصلية كتبت بواسطة Dr_Ramy
monamour688
يا ترى ايه اخبار الافيو معاك ؟؟؟
لغاية دلوقتي 3000 كيلو والحمد لله مظهرش اي مشاكل من اللي سمعت عنها نهائي وانا فعلا مركز عشان اشوف فبتابع اي حاجة واي صوت
هل التكييف ضعيف فعلا و هل معدل استهلاكها للبنزين عالى ؟؟؟؟
لا التكييف مش ضعيف انا دايما مشغله علي 1 لاني مبستحملش البرودة بتاعته لما بيكون علي 2 وبالنسبة لمعدل استهلاك البنزين كويس مش وحش وهو تقريبا نفس المعدل اللي كاتباه الشركة 7.3 لتر لكل 100 كيلو
و ايه هى مشاكلها من خلال سواقتك ليها ؟؟
انا سافرت بيها من الاسكندرية للمنصورة عن طريق الطريق الدولي ووصلت بيها لغاية 150 ومردتش ازود عن كدة وهي لغاية 120 ثابتة وبعد ال 120 الثبات بيقل بس مش للدرجة البشعة اللي كنت متوقعها يعني ينفع تجري بيها بس كدة كدة المفروض الواحد ميزودش عن 120 لانك مش ضامن الطريق شكله هيكون اية
يا ريت تفيدنى بخبرتك بعد ما جربتها ... لانى بفكر اشتريها بس متخوف عشان ناس كتير مش بتشكر فيها
بصراحة بعد ما ركبتها واشتريتها اعتقد اني هانصح بيها اللي عايز يشتري جديد لانها عربية شيك وواسعة واستهلاكها كويس للبنزين (استهلكت مني ب 35 جنية بنزين 92 من المنصورة الي العامرية بالاسكندرية عن طريق جمصة ثم الدولي يعني حوالي 250 او 260 كيلو ) والتكييف شغال طول الوقت علي سرعة متوسطة 120 كيلو بالساعة
و شكرا ليك
اي خدمة يا باشا
|
وانا فعلا باسحب الكتالوج وهنزلوا قريب جدا