عرض مشاركة واحدة
  #16  
قديم 28-04-2013, 04:10 AM
الصورة الرمزية Wael Bahgat
Wael Bahgat Wael Bahgat غير متواجد حالياً
التخصص العملى: General Manager
هواياتي: Horsemanship
 
تاريخ التسجيل: Apr 2013
الموقع: Germany
المشاركات: 61
Wael Bahgat will become famous soon enough
افتراضي رد: استيراد سيارات من الخارج

تحت امرك يا استاذ انس , انا كمان ابني اسمه انس
الموضوع ان العقد الي ما بيني وبينك بيكون عبارة عن تحديد لمواصفات البضاعه الي انت عاوزها واي شئ تاني ممكن نكون حاريصين انا وانت علي كتابتة فيه مثلا
انت عاوز 6 عربيا موديل سنة .... اللون .... السعر .... سي سي .... في موعد اقصاه مثلا 3 شهور
بعد ما نتفق علي المواصفات وبنود العقد معا بمضية وابعتهولك بالبريد السريع بتطلع حضرتك علية وبتروح البنك تقولهم عاوز افتح اعتماد بالمبلغ .... اعتماد معزز مع البنك ... (البنك الي انا بتعامل معاه هنا في المانيا) بيقول لك تحت امرك بياخد العقد منك ويضيف كل المواصفات والبنود الي اتفقنا عليها ويكلم البنك بتاعي هنا ويقول له العميل بتاعي ... ( الي هو انت ) فتح اعتماد بمبلغ .... لعميلكم .... (الي هو انا) البنك بتاعي بيطلعني علي عقد الاعتماد الي البنك في مصر عملة بعد موافقتي عليه بابتدي اشتغل واجيبلك البضاعة بنفس المواصفات الي مشروط عليها في العقد بدون اي اخلال بيها , وبعد ما اخلص اجراءاتي هنا بروح للبنك بتاعي واقوله انا خلصت يبتدي هو يشوف هل مواصفات البضاعه مطابقة لما هو منصوص عليه في العقد ام اني اخليت ببنوده.
اذا كانت المواصفات وكل شئ سليم بياخد مني بوليصة الشحن الي بأسم حضرتك,
سند (بوليصة) الشحن :- هو سند ملكية البضاعة (من البائع الي المشتري)، لذا فإن حيازة سند الشحن أنما يعني حيازة البضاعة نفسها فالسند بينة لملكية البضاعة، وعليه فهو دليل يثبت فيه بأن البائع(الي هو انا) قد أرسل البضاعة المشحونة فعلاً , كما أنه يلزم فيه الناقل (شركة النقل) بتسلم البضاعة عند الوصول
لحامل هذا الإيصال لأن البائع يحتاج إلى بينة تؤكد له بأن بضاعته ستصل إلى المكان المرسل
إليه فعلاً، وتبرز أهمية سند الشحن من خلال الدور الائتماني الذي يؤديه لتيسير التجارة
وترويجها دولياً إضافة إلى دوره القانوني بتيسير إجراء العمليات القانونية على البضاعة المنقولة.
بالاضافة الي اي اوراق تانية زي قائمة بالاسعار واي شئ منصوص عليه في العقد الي ما بيني وبين حضرتك وبعد ما استوفي كل هذه الاجراءات وبنود العقد يبتدي البنك يرسلك اوراق الملكية لبضاعتك ويديني فلوسي .
ومن غير ما استوفي شروط العقد لن يعطيني البنك اي اموال.
ملحوظه لا يمكن التعديل في شروط العقد بالاضافة او الحذف الي بموافقتي انا وانت.
العرف التجاري هو قانون الإعتمادات المستندية نشأ نتيجة لتلبية حاجات التجارة الدولية، من خلال
دخول المصارف (البنوك) كلاعب أساسي في عمليات التجارة الخارجية، ولدورها الكبير في تسيير وتسوية تلك العمليات، ونظرًا لثقة المتعاملين بها لما تتمتع به من ملاءة مالية (ما يملكة البنك من اموال) وقدرة عالية على الوفاء مما يضمن لكل طرف من أطراف العقد الحصول على حقوقه، حيث يوصف الإعتماد المستندي كونه صمام الأمان للتاجرالمحلي الذي يتعامل مع التجار في الخارج من الأخطار التي يمكن أن يتعرض لها بسبب الفاصل المكاني والزماني بين المتعاملين.
وده تقريبا ملخص للاعتماد المستندي الي اي مستورد في مصر او اي دولة اخري ممكن يعملة ويكون في باطنة بطيخة صيفي لانة نظام عالمي معترف به دوليا ولان البنك بيلعب فيه دور الوسيط بين المستورد و المصدر بدون اي تلاعب, وبأمان كامل 100% علي فلوسك وبضاعتك, واخيرا انا تحت امركم هنا في المانيا لاي شئ.

التعديل الأخير تم بواسطة Wael Bahgat ; 28-04-2013 الساعة 04:45 AM
رد مع اقتباس