المشاركة الأصلية كتبت بواسطة اسلام الحمدى
السلام عليكم
أخوكم واقع فى مشكلة وعايز حد يفدنى بسرعة أنا أخذت سيارة بولو 2001 سيدان من صديق سافرت بها مسافة 120كيلو وأنا جاى خرطوم الرديتر اتخرم من جانب الافيز فركنت ونزلت اشوف اعمل فبطلت العربية لحد ما بردت خالص وبعدين لفيت كيس بلاستيك على الخورم الصغير دا وعليه بلستر طبى كان موجود معايا زى الشكرتون كدا فامتنع تسريب المياه وبعدين دورت العربية وحطت مياة فى الاربه ومشيت حوالى 20 كيلو ولقيت لمبة الحرارة نورت فركنت وزوت مياه لما وصلت اخذها صاحبها وحكتله اللى حصل قال هغير خرطوم الرديتر وخلاص فى الطريق لمبة الزيت نورت بعد كركره فى المطور راح للميكانيكى قال العربيه عايزه مكنه بسبب السرعة الزيادة سخنت العربية واتخرم خرطوم الرديتر و جابت وش سلندر وان المياه دخلت على الزيت والصبابات اتكلت وبعد هذا التفصيل انا مش عاوز أظلمه لو كان الخطا عندى انا هدفع فلوس الماكنة وياريت اعرف سعر الماكنة بولو 1400 كام وجزيتم خيرا
|
بص تخيل لا قدر الله لو كان حصل قدرا انك عملت حادثة ونص العربية طار كان هيبقى الغلط عندك ولا عند صاحبها ؟؟
فى الحالتين فيه قضاء وقدر وكان ممكن يحصل لصاحبها نفس اللى حصل معاك بس حظك انه حصل معاك انت
وطالما انت اخدت العربية على سبيل الامانة من الامانة والرجولة تردها سليمة وتعوضه عن اى تلفيات حصلت وربنا يعوض عليك الفلوس ويعوض عليه العطله والحمد لله انها جت على قد كدة