لكل من يمتلك رينو لاجونا 1
نظرا لقلة من يمتلك هذا السيارة الممتازة
فقد وعدت أن أنقل خبرتي عن بعض التجار الذين تتوفر عندهم بعض قطع غيارها
وأتمنى التواصل مع بعض ملاك هذا السيارة لنستفيد من بعضنا البعض
المهم
لو عندك مشكلة في طنابير عربيتك علشان تريح دماغك وتروح لبتوع قطع الغيار وتقعد نشرحلهم اللاجونا ويقولولك مش موجودة وتضطر تفك الطنبورة علشان يجيبولك زيها هقوللك بعض تجربتي ايه اللي يركب عليها
الطنابير الأمامية لرينو لاجونا 1 هي نفس الطنابير الأمامية لرينو لوجان استيشن ( مهم جدا ) لأن اللوجان العادية طنابيرها صفيرة ومش هتركب لأن مكان الصرة صغير
وبالمناسبة تيل الفرامل الأمامي للاجونا 1 هو نفس تيل الفرامل الأمامي للميجان 1
وأيضا سأذكر بعض من وجدت عندهم قطع غيار
1- شركة اسمها الهندسية ليها فرع في شارع جسر السويس والفرع الآخر في شارع السودان على اليمين
2-خالد ويحيى في صقر قريش عنده عفشة العربية بالكامل استعمال وبعض الكماليات
3-زعتر في الحرفيين عنده عفشة العربية بالكامل
ياريت يا جماعة ننقل خبراتنا لهذه السيارة لأن قطع غيارها قليلة وملاكها كذلك
وعموما سهل تلاقي ليها قطع غيار في صقر قريش أما في الحرفيين أو بورسعيد أنت وحظك
|