رد: مأساتى المتكررة مع مصر للتأمين افشل شركة تأمين فى مصر
طبعا كما توقعت بعد طول مكالمات من مابين ادارة مصر للتامين وبين مدير مندوبين التأمين وحتى مندوب التأمين نفسة ماعرفتش اوصل لحل واعتمدوا كلام مندوب التأمين واللى حصل ببساطة فعلا ان انا كلمت مدير مندوبين التأمين قالى هاشوف المندوب اللى نزلك وارد عليك طبعا مادرش كلمتة بعد ماعاناة رد عليا وقالى ان المندوب اعتمد المبلغ ليك قولتلة يعنى المشكلة اتحلت قالى اة رجعت للتوكيل قالى لا ماتحلتش ولسة الاختلافات زى ماهى طب قولتلة اية الاختلافات قالى الاتى :
اعمال كهربا عاوز يدينى 25 جنية وانا عاوز 100 فى فك فانوس وتركيبة
اعمال سمكرة عاوزز يدينى 150 جنية وانا عاوز 400 فى فك وتركيب رفرف واكصدام
اعمال دهان ورش عاوز يدينى 500 وانا عاوز 550 وماقدرش اقل عن كدة فى رش رفرف وفانوس
انا بصراحة وبدون مجامل للتوكيل شوفت ان اسعارة مش غالية يعنى اوى وتعتبر منطقية بالمقارنة ببقيت التوكيلات وعلى اعتبار ان شغل توكيل يعنى لو قارنا حتى بتوكيل رينو فى نفس التلفيات دى لعربية فى نفس المستوى السعرى يعنى
فارجعت تانى للمندوب رد عليا بكل قلة زوق وقالى انا اية المطلوب منى وبنفس اللفظ كدة قالى بص دة اللى عندى عاوزين يشتغلوا يشتغلوا مش عاوزين يخبطوا راسهم فى الحيط وعنهم مااشتغلوا قلتلة طب والعربية قالى وانا مالى دة اللى عندى قلتلة طب عاوز اصلح فى التوكيل قالى لا دة اللى عندى
طبعا انا اتنرزفت كلمت الادارة وطبعا ماجببش معاهم نتيجة الكلام وفى الاخر قالولى لا دة اللى عندنا طب ياعم الاختلاف على كام قالى 375 جنيية مصنعيات انا اتحملها طيب انا بقة فى الاخر حاتحمل كام 375+ 10% من قيمة الحاجات اللى هاتتغير فى التوكيل يعنى تقريبا 200 + 250 جنية اجبارى اللى بتنص عليها الوثيقة يعنى تقريبا كام 825 فى مقايسة مش هاتوصل ل 3000 جنية حلال دة ولا حرام يعنى ياعالم دة على كدة لو ماقيس ب 15 ولا 20 الف زى مابنسمع عنها هايعملوا فيا اية انا مش عارف عشان دول شوية ناس نصابة ودة شغل نصب فى نصب انا فعلا هاخلص العربية السنة دى والعربية جديدة وهاعمل جاهدا لو حتى حبيت أمن اغير مصر للتامين خالص لانها شركة نصابة وزبالة وسيئة وفاشلة طبعا لانها حكومة زى اى شركة حكومية فاشلة وانا بحمد ربنا انها خبطة صغيرة بينتلى نصب وفشل مصر للتامين لو كانت خبطة كبيرة انا مش عارف كنت هاعمل اية
نصيحة اخ بلاش تامنوا تبع مصر للتامين مهما حاولوا يبينلكوا انها الشركة اللى مالهاش زى هاتخادوا معاملة سيئة وفشل وكمان هايتنصب عليكوا بلاش يغركوا الاسم خليك خريص فى التامين وبلاش مصر للتامين لو فية شركة تانية تقدر تثق فيها توكل على الله لكن مصر للتامين اخيرا بلاش مصر للتامين
|