رد: في بيتنا............صيدليه
عندنا في الصيدلية اربعة أنواع من دواءالكولوفرين
Coloverin tab
Coloverin SR cap
Coloverin D tab
Coloverin A tab
طب يا ترى ايه الفرق ما بينهم؟!!
ببساطة شديدة
Coloverin tab
يحتوي على مادة الميبيفرين
ودي مادة لعلاج تقلصات الجهاز الهضمي عموما والأمعاء خصوصا
وجرعته قبل الأكل بنص ساعة 3 مرات في اليوم
Coloverin SR cap
يحتوي على نفس المادة ولكن بتركيز اكبر
200 مج بدلا من 135 مجم
مع فورمة ممتد المفعول (sustained release)
وده علشان تبقى جرعته مرتين يوميا فنسهل على المريض
Coloverin D tab
وده بيحتوي على مادة اسمها dimethicone
وهية مادة لعلاج الانتفاخ
طبعا بجانب الميبيفرين
يبقى نستخدمه حينما يصاحب المغص انتفاخ أو امتلاء في البطن
وده غالبا بيحصل في حالات القولون العصبي أو التهابات المعدة أو الأمعاء
النوع الأخير
Coloverin A tab
في الحالة دي مادة كلورديازيبوكسيد هية اللي بتصاحب الميبيفرين
ودي هية المادة الرئيسية في الLibrax الشهير
وهي تعمل على تهدئة التوترات العصبية
النوع ده من الكولوفيرين بيستخدم في اضطرابات الجهاز الهضمي المصحوبة أساسا بالتوتر والقلق
زي القرحة المعدية او قرحة الاثنى عشر والقولون العصبي
يستخدم برضو قبل الأكل بنصف ساعة 3 مرات
بس مننساش..!!
الكولوفيرين يفضل أنه يتاخد مع العلاج الأساسي لسبب الشكوى
دعواتكم ...رايح بكره الضرايب
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء*
شرقت حشاشات النحيب وأينعت*
وشوى الأنين قلوبنا فتفطرت*خلف الجفون دموعنا الخرساء*
أكبادنا فبكاؤنا إيماء*
|