[dr_eslam_66]

موضوع أكثر من شيق بصراحة وقريته من أول مشاركة لآخر مشاركة فيه وإ، كان فيه بعض التجاوزات ولاكن في المجمل الكوضوع جميل ولغة الحوار رائعة.
نرجع للنقطة الأهم العربية,,,,,
أكيد من غير كلام إني أي عربية عبارة عن مكونين رئيسيين جودة العربية نفسها + سمعة الوكيل الي بيسوها وسياسته التجارية وخدمة مابعد البيع.
كلنا عارفين عربيات جميلة جدا ومع ذلك فشلت في السوق بسبب وكيلها, أو بلاش نقول فشلت نقول كان ممكن تبقى أحسن من كدة بكتير من حيث الإنتشار بسبب الوكيل.
وكلنا بردك عارفين عربيات كتير مالهاش أي تلاتين لازمة وناجحة جدا في السوق بسبب الوكيل, وبلاش نقول برضوا نجحت ممكن نقول إنتشرت إنتشارر واسع ليس لجودة السيارة ولاكن لنجاح الخطة التسويقية من الوكيل.
من الكلام الي فات دا نلاقي اني السوق المصري مختلف شوية عن أي سوق في العالم فا إحنا بنقيم العربية الكويسة أو الوحشة بعدد العربيات الي ماششية منها في الشارع, مش بإني العربية دي كويسة أو لأ.

دلوقتي هنخش في دايرة حوار مفرغة (من الي جه الأول البيضة ولا الفرخة) ياعني العربية تنتشر الأول وبعدين نقول عليها كويسة ولا هيا بتنتشر علشان هيا كويسة؟
من هنا بيجي موضوع الخطة التسويقية والثقة في الوكيل ودور الدعاية.
تعالوا نفتكر حال الكيا لما كانت مع وليد توفيق وتعالوا نبص عليها دلوقتي وتعالوا نبص وليد توفيق بيبيع إيه دلوقتي علشان بس ماحدش يقول دا ساعتها ماكانشي فيه عربيات كويسة من كيا.
أنا ما إتفرجتش على الإميجراند على الطبيعة وماشوفتهاش ماشية في الشارع هنا لأني خارج مصر بس دا لأني مافيش عربيات صيني أصلا.
ومش منحاز لأي طرف في الحوار ولاكن وبعد متابعة أخبار العربية على النت ومشاهدة بعض الصور وبالنسبة لسعر العربية وكمان إنها من غبور وبسبب الجدل الكتييير الي حواليها أنا أتوقع إنها هتكون عربية منتشرة جداااااااا في الفترة القادمة وخدوا بالكوا أ،ا ماقولتش إنها هتطلع عربية حلوة جدا (الله أعلم) أنا ما بنجمش ولا بضرب ودع.