المشاركة الأصلية كتبت بواسطة osa92003
للاسف الدعايه المنظمه لعربيه غبور بتحقق اهدافها ولكننا فى انتظار التقارير بعد الاستلام وطبعا انا مش عايز انقل تقارير من اللى ركبوا العربيه فى الخليج بالرغم من انها 1800 سى سى لحسن هيقولوا ....... ولكن ننتظر
|
سؤال لكل من يقول ننتظر لنرى كفاءة العربية
طيب لما كله هينتظر من هيشترى العربية اساسا عشان نسأله ما كله هيقعد فى البيت ومش هيشترى العربية ويستنى غيره يشتريها يعنى النتيجة انك مش هتعرف حاجة
الغريبة بقى ان فى عربيات ممتازة جدا وسوقها مش ماشى زى الستروين والسبب الوكيل يعنى العربية اساسا وكيل ولينا فى البروتون مثال ايضا عربية ممتازة بس العيب فى الوكيل يبقى اساس اختيارى للعربية هو الوكيل واحنا هنا بنتكلم عن غبور وهو يمتلك توكيل من اشهر السيارات على مستوى العالم وهو هيونداى وهو الوكيل الحصرى ويمتلك مراكز خدمة على مستوى الجمهورية بالاضافة الى انه قام ببناء مصنع حديث لتجميع السيارة الصينية الجديدة فاعتقد ان ادارة غبور ليس بالغباء فى انها تخاطر بسمعتها واستثماراتها قبل ان تتاكد من كفاء السيارة تخيلوا كده ان غبور راح جاب سيارة وطلعت فاشلة ولم تحقق النجاح ماذا سوف يكون موقفه اما الشركة الكورية سوف يكون موقفه مهدد لان انهيار غبور ينعكس بالتبعية على سمعة السيارة الكورية فى مصر ويشكك فى مصدقية وكيله مما يجعل هيونداى تفكر فى سحب التوكيل منه وبالاضافة الى ما ذكرته من قيام غبور ببناء مصنع واستثمار المليارات فيه فاعتقد انهم سبيين لتفكير غبور الف مرة قبل ان يقدم على الحصول على توكيل سيارة صينية
واعتقد ان ششركة جيلى اشترت شركة فولفوا وشركة DSI للفتيس بما يعنى انها ليست شركة صغيرة او تحت السلم
اذكر اننى فى احد اجتماعات الجمعية العمومية لشركة غبور (حضرتها بحكم وظيفتى) منذ 3 سنوات تقريبا سالت السيد رؤوف غبور سؤال مباشر لماذا لا تحصل على توكيل سيارات من الصين (كان وقتها غزو الصيارات الصينية وظهور بعض المشاكل) قال لى فيما معناه مقدرش اجيب سيارة صينية وتطلع فاشلة واخاطر بسمعتى امام شركة هيونداى
اخيرا لا توجد سيارة فى العالم لا يوجد فيها عيوب واسالو اصحاب المرسيدس و بى ام عن العيوب
اسف على الاطالة وارجو ان تتقبلوا راى