20-08-2009, 06:05 PM
|
 |
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
|
|
تاريخ التسجيل: May 2008
الموقع: ام الدنيا مصر
المشاركات: 17,076
|
|
رد: انضميت لشلة الاكسارا
الف الف مبروك وياااااااااارب يباركلك فيها ويحميك من شرها ويهبك خيرها يارب
انا شخصياً لما حد من اصحابى بيجب عربية مستعملة بنصحة بصيانة سريعة تاخد يوم وبتفرق فى اداء العربية حتى لو هى حالتها ممتازة
اولاُ النظافة
بنروح بيها على بنزينة او مكان تنظيف المهم يكون فيه رفع العربية ومكنسة نضيفة
نرفع العربية ونبص فى كل حتى فى العفشة مقصات كاوتشات اى حاجة بتشاور عقلها تتغير
تبص على خراطيم البنزين والفرامل وتتاكد من سلامتهم
ننظف العربية كانها لسه جديدة برة وجوه
نفس الكلام للحوض
ثانياً صيانة سريعة
نكشف على الزيوت والسوائل كلها ويتزود اى حاجة ناقصة
زيت الموتور يتحط عليه موتور فلاش لو قديمة شوية او يتغير بزيت يقعد 5000 زى شل هيلكس الاصفر
مع تغيير فلتر الزيت وتنظيف فلتر الهواء والريداتير
ترفع طقم البوجيهات (بعد تنظيف الحوض كل ده ) ويتبص عليها ولو محتاجة تتغير تتغير
تبص على التيل امامى وخلفى بعد فك الكاوتش وتبص على حالتة برضو وتسجل بعينك حالة الطنابير والسكاكين والتيل وتعرف من المكاينكى الصيانة الجاية امتى
واخيرا تبص على الكهرباء وتشوف لو محتاج حاجة تتغير او يتعملها تقوية وتعملها مع تركيب اى اكسسوارات مطلوبة
بس يا سيدى بكده هتكون عملت صيانة سريعة ومهمة زى صيانة ال 1000 كيلو متر الاولى للسيارات الجديدة وقربت من كل تفاصيل العربية واتاكدت من سلامتها وعرفت حالتها ومحتاجة يتبص عليها تانى امتى
وروقت العربية وفوقتها وبدأت معاها صفحة جديدة على نظافة 
مبروك يا باشا مرة تانية وفى انتظار التجارب والصور والحكايات مع الاكسارا
على فكرة انا كمان كنت واخد عنها فكرة وحشة لحد ما شوفتها مع ايمن وعجبتنى جداً واحترمتها فعلاً ماشاء الله عربية جميلة ومتينة فعلاً ربنا يباركلو فيها يارب
ptmnlo123per122
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|