المشاركة الأصلية كتبت بواسطة doctormae2002
السلام عليكم ورحمة الله وبركاته
يمكن دي من اول المشاركات ليه وانا استفدت كتير جدا من المنتدي العظيم ده واصحابه اللي عامليين زي العائله
انا ان شاء الله ناوي اشتري اول عربية ليه
انا لسه مش خبير اوي في السواقة بس اتعلمت شويه معقولين
كنت بفكر الاول في اني اجيب مستعمل حالته كويسة بس كنت بحس انه عامل زي البطيخة ممكن يطلع قرعة ففكرت اجيب جديد وكنت بفاضل مابين الثلاثي المرح فرنا ولانوس ولوجان علشان منتشرين وقطع الغيار الرخيصة علي اني مكنتش مقتنع بامكانيتهم
وبعد كده سمعت عن بروتون ساجا ودخلت دماغي اوي خصوصا الاتوماتك وكنت مقلق من اني لسه باديء في السواقه وخايف تتخبط وموضوع قطع الغيار
فكنت عاوز اعرف رائيكم
د/محمود
|
لو انت مش خبير فى السواقة زى حالاتى يبقى لازم تقرر تشترى عربية اوتوماتيك و تعمل حسابك انك تعيش بيها أطول فترة ممكنة (أكثر من عشر سنين) و فى الحالة دى الميزانية بتاعتك هى اللى هتحكم
و العربيات التلاتة فيرنا و لانوس و لوجان مستوى واحد و الساجا لسة ما عملتش صدى فى مصر و قليل اللى جربها
لكن ممكن تشترى الفيرنا اوتوماتيك فول اوبشن أفضل الاختيارات من حيث السعر و التداول و قطع الغيار لكنها مش هتستحمل القرص و اساءة الاستخدام