رد: أمتى أعمل عمرة موتور ؟
ملحوظة: أنا عندى مشكلة من زمان (من قبل ما أغير أى زيوت أو بوجيهات) مش عارفه ايه سببها؟ المشكله أن العربيه بتستهلك بنزين كتير ، الصفحية (بنزين 80) يتعمل أقل من 100 كم.
الاستهلاك ده كارثة بكل المقاييس، كدة الكاربيراتير فيه مشكلة طبعا يا إما دروة البنزين فيها تسريب أو التانك مخروم. بس هو السؤال، هل العربية عندك بتدخن دخنة سودا من ورا وطرف الشكمان من جو بيبقى دائما مهبب اسود. لو كدة يبقى لازم تروح لمركز كاربيراتير يكشف عليه.
أما بالنسبة للفرقعة فزي أستاذنا حازم خضر ما قال: حضرتك غيري البوجيهات وركبي واحد شمعة زي الأول وروحي لميكانيكي كويس يظبط الكهربا. وانسي خالص موضوع العمرة ده لحد لما تظبطي الكهربا والكاربيراتير ونشوف. وربنا يوفق.
التعديل الأخير تم بواسطة مهند سالم ; 11-01-2011 الساعة 02:48 PM
|