رد: اسف لكل الاعضاء لما بدر منى
شكرا ليك يا أيس
اعتقد ان اعتذارك هو عين العقل و دليل على انك انسان محترم وما كنتش تقصد الكلام اللي كتبته......
واكيد حضرتك لما قرات الموضوع تاني لوحدك حسيت ان فيه تجاوز تجاه ناس أفاضل بيبذلوا مجهود كبير لا لشئ الا لاسعاد الناس ومساعدتهم وافادتهم بكل المعلومات اللي بيحتاجوها في مجال السيارات.....واكيد هما ما يستاهلوش أبدا الكلام اللي كتبته في موضوعك.
أخيرا أحب بس أوضح لك حاجة بالنسبة للردود اللي اتكتبت في الموضوع علشان ما تبقاش زعلان من حد
انا أؤكد لك ان أيا من هذه الردود ما كانتش حتبقى موجودة لو حضرتك استخدمت اسلوب تاني في الحوار والمناقشة.
والدليل على كلامي تقدر تدخل قسم الشكاوى والمقترحات وتشوف مواضيع مشابهة لموضوعك....وازاي كل المشرفين والأعضاء في الموقع اتعاملوا مع تلك المواضيع بمنتهى التقدير والأحترام.......وده دليل على تقبل الجميع للنقد وان ثورة الأعضاء ضدك كان سببها اسلوبك العنيف في النقد وليس النقد في حد ذاته.....
اتمنى أكون وصلت وجهة نظري....وماتكونش زعلان مني أو من اي عضو لم تعجبك مشاركته في موضوعك السابق
|