انا اتفقت على عربية لانوس 99 مانوال ب 42 و كتبت عقد و دفعت 41 و باقي 1لما يخلص الورق ( اصل العريبة نمر القاهرة و هو سافر هيخلص الورق و ييجيبه)
العربية هاف ( تكييف و باور ) رشة برة نظافة ( محزمة بس) فابريكة دواخل و العربية من جوه حالتها ممتازة .. عاملة 120 الف كيلو و حالتها العامة كويسة جدا
بس كذا واحد قاللي على السعر انه غالي و مبالغ فيه .... هل السعر فعلا غالي للدرجة ده
... و فيه ناس بتقول ان اللانوس 1 احسن من 2 و انها تقفيل كوري و الكلام ده فعشان كده الموديلات ده بتبقى ماسكة سعر الكلام ده صحيح ولا هجس
العربية عاجباني بس انا ما حبش يضحك عليا برضه حتى لو كويسة هتفضل نفسي مسدودة منها
انا فاضلي تكة وارجع في البيعة .. ايه رايكم
العربية فيها رخصة سنة و 4 جنوط جداد و بطارية بالضمان من 5 ايام