[حسام البورسعيدى]

بصراحه انا اول مره اعرف ان فى فئه فاضيه من الانوس زى الاكسنت كده ..

المهم التكييف ممكن يتكلف بتركيبه 1500 الى 2000 جنية تقريبا ..

الباور هتحتاج اسكترا باور وطرمبه باور وخراطيم وعلبه زيت باور وسير .. هيتكلف معاك حوالى 1000 جنيه بالمصنعيه ..

الازاز الكهربا .. اما هتعدله او تعمله فبريكه .. لو هتعدله هتعمله زراير وتحطها ورا الفتيس او فى اى مكان مناسب (واذا كانت عربيتك من الموديلات اللى زراير الازاز ورا الفتيس اصلا (اللى فيها 2 ازاز كهربا بس) يبقى هتوفر عليك) ..

اما كده او تغير فروشات الابواب بفروشات استيراد بزراير الازاز الكهربا .. وهتجيب اربع مكنات ازاز وتركبهم عند بتاع الابواب وتقفلهم عند الكهربائى ..

لو مش هتغير الفروشات .. لو هتعدل 4 ازاز كهربا هيكلفك فى حدود 500 جنية بالمصنعيات ..

يعنى التعديلات دى تعمل حسابك على 3000 الى 3500 مثلا ..