رد: يوميات تاجر سيارت (فقط وحصريا على مصر موتورز)
لية الناس ال بتشترى عربيات بتعتقد انها دائما احسن من اى حد حتى من موظف فى المعرض او حتى صاحب المعرض او مندوب البنك او اى حد رغم ان كل الناس دة بتخدمة ويمكن لو فكر المشترى شوية هيجد انة طبيعة شغلة زى الناس دة لانة ممكن يكون صاحب معرض لسلع اخرة او مسوق لمنتجات فى شركتة
يعنى تجد واحد يقولك انا عايز عربية انتى حبيبى ويا استاذ ......... ويا حضرتك
واول متسالة حضرتك ضمناتك اية للشراء او عايز تدفع مقدم كام
يرد عليك ويقولك متقلقش انا ضمناتى قوية ولما تلح فى السوال تجد الاجابة المعتادة انا معاية بطاقتى وعندى وصل كهرباء وطبعا فى النهاية تجدة بيقولك انا عايز عربية بدون مقدم او بمقدم 10%
الكارثة اول متقولة مينفعش
اما انة يقفل السكة فى وشك او يرد عليك بقرف ويقولك طيب
امال فين حضرتك وسعتك ال كانت فى الاول وفين اعلا درجات التناكة
عميل مرة اتصل على ويقولى عايز عربية ماروتى
قولت لة مفيش مشكلة تحت امرك
قالى بس عيزها اتوماتيك
قولت لة مفيش منها اتوماتيك ومبتنزلش منها اتوماتيك
يقولى انت شكلك متعرفش هى اصلا اتوماتيك
اقولة حضرتك مفيش منها اتوماتيك
يقولى انتم هتفضلوا كدة تبيعوا العربيات الكويسة لناس وناس
اقولة من الناس ال احنا بنبعلهم عربيات كلها نوع واحد وامكانيات واحدة
عميل مرة اتصل بى الساعة 3 فجرا يقولى عنوانكم اية
قولت لة العنوان قالى انتم موجودين الان
قولت لة حضرتك احنا روحنا
يقولى انتم بتمشوا بدرى قوى لية
طيب اقولة اية
تابعوا ولسة ياما هنقول
|