المشاركة الأصلية كتبت بواسطة karkar
اريد معرفة احدث موديل للشاهين سنة كام وسعره ومواصفات السيارة ايه ؟
|
أحدث موديل للشاهين هو 2009
السعر حوالي 63500 لل 1400 الفاضية
وحوالي 67000 لل 1600 الكاملة (تكييف وباور)
مواصفات السيارة موجودة في الكتالوج الخاص بها في الرابط التالي:
http://www.masrmotors.com/vb/showthread.php?t=6124
المشاركة الأصلية كتبت بواسطة karkar
وايه رايكم انا طبيب ويوميا باروح العيادة حوالي 50 كيلو رايح جاي ؟
|
أولاً قبل أن أقول رأيي
أنا أمتلك شاهين 2008 أملكها من الزيرو
عامل بيها حتى الآن حوالي 50000 كيلومتر
وأنصح حضرتك لوجه الله بلاش شاهين
اللانوس ناعمة ومريحة
هو الواحد بيجيب عربية عشان يعذب نفسه ؟؟؟!!!
ولا عشان هي كان ليها أصول عريقة لكنها لم تتطور
أنا شايف أن السيارة وسيلة نقل مريحة
يبقى لما أشتريها لازم أضع هذا في إعتباري
والكلام الإنشا مبيأكلش عيش
الشاهين سيارة عملية لشركة صيانة أو مقاول أو تاكسي وليست متفردة بل يوجد من ينافسها في هذا المجال
لكن الإستخدام الشخصي
لو جبتها هتحس إنك أكلت مقلب كبير
خلاصة الكلام
طالما الهدف من السيارة هو سيارة ركوب خاصة يبقى بلاش الشاهين
ممكن لانوس
أو فيرنا وإن كنت لا أحبذها لأن كنبتها الخلفية أضيق من كنبة الشاهين الخلفية الضيقة بغباء أساساً
أو حتى صيني BYD F3
أو اسبرانزا
مفيش عربية مفيهاش عيوب
لكن الشاهين سيارة أعمال وليست سيارة ركوب خاصة
ممكن من 15 سنة كانت تنفع سيارة ركوب خاصة
لكن خلاص
اللي فات مات