رد: الحر و اسطوانات الام بي 3 و الاوديو
بصراحة أنا ماليش خبرة مع سى دى العربية خالص بس أنا عامة هقول على معلوماتى:-
كفاءة السى دى بلاير بتتدهور لوحدها بعد فترة أصلا, ده غير أن الحر بيأثر على قرائته للسى ديهات وخاصة المنسوخة منها, ده غير أن السى دى عدوه اللدود الحر, لأنه بيغير معامل كسر البلاستيك بتاع السى دى للضوء وبيخلى الليزر ينكسر أو ينعكس غلط, وده بيأثر على قراءة السى دى بلاير للسى دى, والمشكلة دى (بعد البحث على النت) مالهاش حل, لأنه لو عايز رأيى بصراحة السى ديهات عهدها مضى زى الكاسييت, ودلوقتى عهد الموسيقى الديجيتال, هات موديوليتور (أم بى ثرى ولاعة) وفلاشة 2 جيجا وريح نفسك وعيش مع التراكات.
بس عامة لو عايز تحافظ على السى ديهات كويس وتخليها معك لفترة طويلة (بس مع الأسف هتبوظ برضه عاجلا أو أجلا), هات البتاعة اللى بيحطوا فيها السى ديهات دى اللى بتسيع 30 أو 50 سيديهاية (مش فاكر أسمها) وحاول كل ماتخرج سى دى تحطه فيها تانى, وخليها بعيدة عن الشمس وحطها تحت الكرسى, ومتلمسش سطح السى دى بصوابعك ولا تحطه على وشه أو تسيبه فى الشمس.
|