رد: كيا برايد - تقرير شامل
انا هحاول اقول خبرتى مع البرايد سيدان 1300 موديل 99
العربيه دية جبتها زيرو من 99 و معايا لحد دلوقتى و ما شاء الله العربيه كويسه جدا .بس كأى عربيه ليها مميزات و عيوب هقول مزاياها و عيوبها بحياديه تامه:
العيوب:
1-عزل العربيه سئ ودة بسبب التقفيل المصرى و الحل تركيب عازل خلف التابلوة
2-العربيه كربرادتير ودة فارق شويه فى استهلاك البنزين
3-التكييف ادائه معقول بس عاوز صيانه دوريه
4-الثبات كان سئ جدا بس اتحسن بعد تركيب مساعدين مونرو هما غاليين بس يستاهلو
5-صعوبة التعديل فى العربيه يعنى مثلا صعب تركب مقاس كاوتش اكبر او اعرض او حتى تركب سماعات
المميزات:
1-صالون العربيه واسع و القعدة مش ضيقة
2-الشنطه حجمها كويس و بتشيل كتير
3-قطع غيار رخيصة و متوفرة فى كل مكان
4-اداء العربيه كويس جدا على حجمها
5-كماليات كويسه على سعرها(زجاج امامى كهرباء- اريال كهرباء- فتح الشنطه و التانك من الداخل)
التعديلات:
1-فلتر هواءكربرادتير سيموتا سبور
2-مساعدين مونرو صناعة اتحاد اوروبى
3-كاسيت MP3 بايونير
|